Sam 67
67
Meatin vasi keil ten out netan ihati lat isen Ahi
1Ahi, kitokol kat komai en enmahisien onom,
kiles komai hetal min tahosien onom.
2Kitie lat rendemien onom min meatin keil ten out netan,
keke availea sise ten mututien onom.
3O Ahi, meatin keil ihati latuk.
Anatin, meatin vasi keil ihati lat isom.
4Meatin ten kantri vasi keil isi keil ka isau en sien,
keil isau veni keik kosan mahien min meatin keil en sakien ten maluen,
keik komulamun meatin ten kantri vasi keil en out netan.
5O Ahi, meatin keil ihati latuk.
Anatin, meatin vasi keil ihati lat isom.
6Ahi onomai, komul kosan tokolkatien min komai,
komul kosakin amas mul en atan osomai.
7Anatin, tokolkatien onom mul en komai,
ka koakeil ten out netan ilesi ka ihouhou minuk.
ที่ได้เลือกล่าสุด:
Sam 67: pma
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© Wycliffe Bible Translators, Inc. All rights reserved.