ข้อพระคัมภีร์ยอดนิยมจาก Roˉma‸ li‸ 3

แบ่งปัน

Chaw hkʼa peu-eˬ venˇbaˆ te leh Gʼuiˬsha ve awˬ me‸ awˬ hponˇ hta‸ maˇ mi taˬ. Awˬ hpfuhˇ maˇ piˇ leh, yawˇ ve awˬ bon hta‸ pa taw hteˇ ve cawˇ ve chaw hpeh‸ la ve yoˬ. Hteˇ ve cawˇ ve chaw hpeh‸ la ve lehˬ, Yeˍsuˆ Hkri‸ htaiˍ hkʼaw‸ laˇ ve hta‸ pa taw yoˬ.

Yeˍsuˆ Hkri‸ hta‸ hkʼa yonˍ ve chaw hkʼa peu-eˬ lehˬ, yonˍ ve pa taw Gʼuiˬsha ve hteˇ ve cawˇ ve awˬ ceuˬ hta‸ yawˇ hui gʼa ve yoˬ. Awˬ lawn kʼo, peun da‸ kuiˬ maˇ cawˬ.

Yeˍsuˆ ve awˬ suhˍ hta‸ pa taw hkʼa yonˍ ve chaw hui hta‸ venˇbaˆ hpehˇ hkʼa tuˬ, Yeˍsuˆ lehˬ tanˇ tuˬ hpeh‸ ve yoˬ teh‸, Gʼuiˬsha yawˇ hta‸ teh taˍ ve yoˬ. Gʼuiˬsha yeunˇ hkanˍ puiˉ leh, ponˬ laˬ htaˇ chaw yaˇ te ya‸ ve venˇbaˆ teˇ hpaˍ hta‸ maˇ ciˍ yanˍ sheˍ ve awˬ hkʼaw lo, yawˇ hteˇ ve cawˇ ve awˬ ceuˬ hta‸ te maˍ laˇ ve yoˬ. Yawˇ chi hkʼe te ve lehˬ, chi beu‸ awˬ yanˇ awˬ hkʼaw lo yawˇ lehˬ, hteˇ ve cawˇ ve yoˬ teh‸ shu hta‸ hpeu‸ maˍ piˇ leh, Yeˍsuˆ hta‸ hkʼa yonˍ ve chaw teˇ hpaˍ hta‸ hteˇ ve cawˇ ve chaw hpeh‸ la tuˬ yawˇ te ve yoˬ.

Awˬliˇtawˇhkawˇ hta‸ na yuˬ ve pa taw, Gʼuiˬ sha mehˆ gʼuˇ suhˍ chaw teˇ gʼaˇ ka‸ hteˇ ve cawˇ ve chaw hpeh‸ la tuˬ maˇ heˆ. Awˬ lawn kʼo, awˬliˇtawˇhkawˇ hta‸ pa taw venˇbaˆ cawˬ ve hta‸ gʼa shiˍ ve yoˬ.

Li‸ hpu hkʼaw bvuh‸ taˍ ve hkʼe, Hteˇ ve cawˇ ve chaw maˇ cawˬ, teˇ gʼaˇ ka‸ maˇ cawˬ tehˬ ve yoˬ. Shiˍ ve chaw teˇ gʼaˇ ka‸ maˇ cawˬ. Gʼuiˬsha hta‸ ca ve chaw htawˇ teˇ gʼaˇ ka‸ maˇ cawˬ Chaw hkʼa peu-eˬ ya‸ kʼaw ya‸ kʼai peuˬ. Yawˇ hui hkʼa peu-eˬ hkʼa shuˍ shuˍ awˬ bon maˇ cawˬ ve chaw hpeh‸ la peuˬ. Da‸ ve kanˉ hta‸ te ve chaw maˇ cawˬ, teˇ gʼaˇ ka‸ maˇ cawˬ tehˬ ve yoˬ.

Awˬ lawn kʼo, awˬliˇtawˇhkawˇ ve kanˉ hta‸ maˇ caˉ da‸ leh, yonˍ ve hta‸ pa taw ceh tiˉ chaw teˇ gʼaˇ lehˬ hteˇ ve cawˇ ve chaw hpeh‸ la ve yoˬ teh‸ ngaˬ hui shawˍ taˍ ve yoˬ.

Chaw hkʼa peu-eˬ heˍ paˍ hpeh‸ ve htawˇ Gʼuiˬ sha lehˬ hteˇ ve yoˬ. Li‸ hpu hkʼaw bvuh‸ taˍ ve hkʼe, Nawˬ lehˬ hteˇ ve cawˇ ve yoˬ teh‸, nawˬ ve tawˇ hkawˇ shaˉ hkiˆ hkanˍ ve yoˬ. Nawˬ suhˉ jehˬ ve hta‸ gʼa hkanˍ htaˇ, nawˬ gʼaˇ tuˬ yoˬteh‸ bvuh‸ taˍ ve yoˬ.