ข้อพระคัมภีร์ยอดนิยมจาก MATYOO 6

แบ่งปัน

Looghna kì kaà kìlɔ̀ŋ kii rì saaɗ wìì, fɔɔnnɛ ɓyom ɓìn ɓìcèm ɓi ri mìni ɓiì sagtɛɛ.

Fɔɔnnɛ kɛ̀ ɓi ghɛ̀ri ǹɗem aɗyoo rì rìduri, lɛ rìduri a ɓiì yùu ri ɓìɓan ɓii; ŋ̀wos bimiɗ à ghɛ̀ɛ̀sɛɛ rì ntɔɓ wìì.

Kìɓan kiǹ kɛɛ̀ki ǹkpaa mìni lɛ: mɛ̀rem min mɛ̀ kɛɛ̀ cɛɛcɛɛ̀rɛ̀n ɓi kìɓan ki ɓiɗilàg ɓi ɓyɛɛ̀ mɛmɛni ɓyɛɓ ɓin nsoò lɛ ɓisuu ɓilàà ɓi ɓyɛɛ lɔg nyoo yìn; mɛ̀ɛ nti cɛɓ ki cee ɓìɗilàg, nyoo ì cee ɓìlàà yèè?

Wɔ̀lɛ i ù ti ɓiì ɓɔ̀ŋzaagh Bɛ̀ll, ɗiŋi ɓi kìden kɔɔ ki naa, u sim̀ ìsuunaa, di u ɓɔŋzag Seŋi wɔ̀ɔ̀ anɛ àrì ɓi jàŋ inɛ a rìnyam ìnɛ̀n, fɔlɔɔ nnɛ Tààta wɔ̀ɔ̀ anɛ à ti à ghɛngì ɓìɓan ɓi a rìnyam à rì wɔ̀ ɓiì lèɓi.

Ɓì ghɛ̀ɛ̀sɛɛ kì ɓɔ̀ŋzaagh Bɛ̀ll fɛlɛ: Tààta wìs ànɛ à rì aɗyoo ɗii ɗyɔɔ ɗyɛɛ ɓa kìcèlì, rìlàmì ɗyɔɔ ɗyɛɛ yu, rìkɔ̀n ɗyɔɔ ɗyɛɛ kilɛn ɓi ziinɛ, yɛ̀ɛ ɗyɛɛ̀ kìikilɛ̀n aɗyòò.

Faa ɓìsi ɓìɗilàg ɓi ɓi ghɛɛ̀sɛɛ rì ɓìsi ɓi ŋwos a gɛɛ̀nɛ.

Cenɛn ɓìsi ɓìɓan ɓi ɓeɓɛn ɓi tì mɛ kì, fɛlɛ yɛ̀ɛ ɓìsi girig tì mɛ cenɛn ɓɛ̀roɓɛ ɓɛ kighà ɓìsi kìɓe.

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

Lɛ i ɓì cenɛɛ ɓum ɓìɓan ɓi ɓeɓtɛn ɓi ɓɛ kii mìni Seŋi wìn anɛ aɗyoo à cenɛ̀n girig mìni

Ghɛɛna ɓà tììlì ti aɗyoo ti ti ri lɛ, tyɛ̀ kɛɛ̀ say dɛm, tyɛ̀ kɛɛ̀ saŋ ɓiɗilàg, tyɛ̀ kɛɛ̀ ki nyam com rì com ɓi zarò, wɔ̀lɛ Seŋi wìn anɛ à rì aɗyoo à ti à falàg tyɔ ɓìɗilàg. Ɓì yii ɓì nya lɛ rìɓa ɗin ɗi cee ɗi tììlì tiǹ lɛ vɔ̀ɔ̀m?

Kɛ̀ ɓi saasaɓtàg ìkum win fɛ ɓi ziinɛ jàŋ inɛ Zyèɗ rì geègee ɓi ti ɓi yogsàg wɔ, nsoò lɛ jàŋ inɛ ɓɛ̀wiiwìì ɓɛ ti ɓɛ ɓɛkì naa, ɓɛ yii wɔ. Wɔ̀lɛ saɓtaaghna ìkum win ɓi ɗyoo ɓi ɗùm lɛ wɔɔ nnɛ Zyèɗ rì geègee ɓi yin lɛ ɓi yogsì wɔ, nsoò ɓɛ̀wiiwìì ɓɛ yin lɛ ɓɛ ɓɛg jàŋ wɔɔ lɛ ɓɛɛ yiì wɔ. Ɓisuulɛ, jàŋ inɛ ìkum wɔɔ wu ri wɔɔ nnɛ ǹɗem wɔɔ wu ri ɓiì ɓaà girig.

Mum à yin lɛ à say ɓɛ̀masà ɓɛɓɛɛ̀ ɓisuulɛ, à rì ɓiì ɓèèzɛɛ bog, à keesì roàmbog; nsoò lɛ à ràrɛ̀n rì bogtɛ̀n, à sɛɛtì roàmbog. Ɓì yin lɛ ɓì say lɛ rì Bɛ̀ll rì mɔ̀ɔ̀ni cààmɛ̀n kìfog.

I Bɛ̀ll à ti à rɛ̀gì ɓyaaɓi ɓi ɓi dɛm fɔlɔɔ, ɓyaaɓi ɓi ɓi ri lɛ, gɛɛ̀nɛ ɓi ɓa wɔɔ, rìduri ɓɛ pig ɓyɔ ɓi ɗuu, lannɛ à ɓiì rɔ̀ɓi lɛ à waasii ɓi mini ɓìlàà, mìni ɓumɓɛ maa rìgherɛ̀n lɛsàg ɓɛ?

Wɔ̀lɛ, cààmɛ̀n ki u fafa ŋwaà nyìighnyìg com, càg kɔɔ ki kimɛŋ ki ghɛɛ̀sɛɛ ɓi ki yiì com ki càg ki weèlem ki faa; fɔlɔɔ nnɛ rìfa ɗyɔɔ ɗi ɓiì ɓaà a rìnyam; nni Seŋi wɔ̀ɔ̀ ànɛ à ti à ghɛngì ɓìɓan ɓi a rìnyam, à rì wɔ̀ ɓiì lèɓi.

Konaaghna lɛ, kìsay ki ɓi kìki Bɛ̀ll kɛ̀ kɛɛ̀ ɓa yɛ̀ɛ ɓi rèeresɛ̀n ɓi mis mɛ ɓum, di ɓì ɓiì ki mɛ̀mi mɛlèɓ yɛ̀ɛ Seŋi wìn anɛ à rì aɗyòò.

Cààmɛ̀n ki ɓì rì ɓi kìcèlì ki ɓiɗilàg kɛ̀ ɓi ɓa yɛ̀ɛ ɓi wowog bim, yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm, ɓɛɛ ti ɓɛ kagàg mɛ̀su lɛ ɓum ɓɛɛ yi lɛ, ɓɛ ri ɓi kìcèlì ki ɓiɗilàg. Ǹkalii mìni ɓi saaɗ lɛ, ɓɛ ti rì mɛ̀lèɓ maa. Kìɓan kifog, cààmɛ̀n ki ù cèlii ɓìɗilàg, foŋɗɛn tìrààree ɓi ǹto, ù ki sòò ìsu wɔɔ fɔlɔɔ nnɛ wàa rèsi ɓi ɓum lɛ ù rì ɓi kìcèlì ki ɓiɗilàg, lɔŋ Soŋi ànɛ à rì a rìnyam cɛ̀ncii yɛɛ ri ɓiì ghɛɛ̀. Nni Soŋi ànɛ à ti à ghɛngì ɓìɓan ɓi a rìnyam à rì wɔ̀ ɓiì lèɓi rikì ɗiǹ.