ข้อพระคัมภีร์ยอดนิยมจาก Jobe 1

แบ่งปัน

Watsi kube akuve loko Jobe, wasukuma waklebhula timphahla takhe, wahhula inhloko yakhe. Wesuka lapho watilahla phansi emhlabatsini wakhotsama, watsi: “Ngaphuma esiswini samake ngingcunu, kanjalo futsi ngiyawubuyela ngingcunu. Simakadze uphile, Simakadze utsatsile. Alidvunyiswe libito laSimakadze.” Kuko konkhe loku Jobe akazange one ngekutsi asole Nkulunkulu.

Eveni lase-Usi kwakunendvodza, libito layo kunguJobe. Lendvodza yayimsulwa, ilungile, futsi imesaba Nkulunkulu, ikubalekela konkhe lokubi.

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi.”

Simakadze wakhuluma kuSathane, watsi: “Kulungile, konkhe lanako kusetandleni takho, kodvwa ungasibeki sandla sakho emtimbeni wakhe.” Ngako Sathane wahamba, wesuka kuSimakadze.