ข้อพระคัมภีร์ยอดนิยมจาก 2 Tikhronike 20

แบ่งปัน

Wakhuluma watsi: “Lalela, nkhosi Jehoshafati, nilalele nani nonkhe lenihlala kaJuda naseJerusalema! Naku-ke lokushiwo nguSimakadze kini, utsi: ‘Ningesabi, futsi ningaphelelwa nangemandla ngenca yalemphi lenkhulu kangaka. Ngobe kulwa akusiko kwenu, kodvwa kwaNkulunkulu.

Singeke sibe khona sidzingo sekuyilwa lemphi. Tihleleni, nime ngetindzawo tenu; manini nicine nitewubona kusindzisa kwaSimakadze, nine bakaJuda nebaseJerusalema. Ningesabi, futsi ningapheli emandla. Kusasa loku lokusako, phumani niyewubhekana nabo, naSimakadze utawuba nani.’ ”

Awu, Nkulunkulu wetfu, ungeke ubehlulele yini? Ngobe tsine site emandla ekubhekana nalemphi lenkhulu kangaka letewusihlasela. Asati kutsi kufanele senteni, kodvwa emehlo etfu abuke kuwe.”

Emvakwaloko kukhuluma kwakhe nebantfu, Jehoshafati wakhetsa emadvodza kutsi ahlabele kuSimakadze advumise inkhatimulo yebungcwele bakhe, asahamba ahola emabutfo, atsi: “Bongani Simakadze, ngobe umusa wakhe ume kuze kube phakadze.”

Batsi basacala kuhlabela nekudvumisa Simakadze, Simakadze wawavimbetela emadvodza aka-Amoni, newakaMowabi kanye newaseNtsabeni iSeyiri, labesangenele live lakaJuda; avele ehlulwa.

Jehoshafati wetfuka, wase uyawuthandaza kuSimakadze acela kucondziswa nguye, wamemetela kuzila kudla kulo lonkhe lakaJuda.

‘Nasehlelwa yinhlekelele, kungaba yinkemba yekwehlulela nome sifo lesibulalanako nome yindlala, siyakuma embikwakho kulelithempeli lelineLibito lakho, sikhale kuwe siselusizini lwetfu, wena uyakusiva usisindzise.’

Kusasa shucani nehle niyewubahlasela. Batawube bakhwela eMsahweni waSisi, nine nitawubakhandza elusentseni lwesihosha eHlane laseJeruweli.

Sonkhe sive sakaJuda sahlangana ndzawonye satawucela lusito kuSimakadze; yebo, savele satseleka siphuma kuwo onkhe emadolobha akaJuda kutawumcela.