ข้อพระคัมภีร์ยอดนิยมจาก Nia 15

แบ่งปัน

kun waco ni, “Ka wubiworo dog Rwot Lubaŋawu ki cwinywu ducu, ma wuyito gin ma nen atir i waŋe, dok wugwoko lok ma en ociko kun wumako cikke ducu, ci pe abikelo two mo i komwu ma yam aketo i kom jo Ejipt; pien an a Rwot lacanwu.”

Rwot aye tekka ma akoro ki wer, en odoko Lalarra. Man aye Lubaŋana, abipako en Lubaŋa pa wora, abikoro nyiŋe.

Aŋa ma calo in, ai Rwot, ki i kin lwak lubaŋa-ni? Aŋa ma calo in, ma ladeyo ki maleŋ? Kom myel i gin me deyo ma itiyo, itimo ginaura

“Pi marri ma pe lokke itelo wi jo ma yam ikokogi, pi tekki igwokogi, ikelogi i kabedoni maleŋ

Ka guo i Mara, ci mato piine oloyogi, pien piine onoŋo kec; mumiyo gilwoŋo ni Mara. Ci dano gubedo ka ŋur i kom Moses, kun giwacci, “Wabimato aŋo? En okok bot Rwot, Rwot onyutte yat mo; obolo i pii, ci pii odoko mamit. Rwot oketogi cik kunnu, ki lok ma en oŋolo, otemo cwinygi kunnu