ข้อพระคัมภีร์ยอดนิยมจาก Romanos 12

แบ่งปัน

Kay tiempopi runakunapa ruwasqantaqa ama qatipakuychikchu, aswanqa yuyaymanaynikichiktayá allinmanña tikraychik, chaynapi kawsaynikichik musoqña kananpaq. Chaynata kawsaspam yachankichik imaynam Diospa munayninman hina hinaspa mana pantaspa paypaq hina kawsayta.

Chaynaqa, wawqe-panillaykuna, Diosninchikpa llakipayakuyninraykum ruegakuykichik, cuerpoykichiktayá Diosman qoychik, kawsachkaq ofrendata hina hinaspa chuyata, paypa munasqanman hina. Kaynam cheqap yachaywan Diosta yupaychayqa.

suyasqaykichikpiyá kusikuychik, ñakarispapas pacienciakuychik, tukuy tiempo Diosta mañakuychik.

Mana allinwanqa amayá vencechikuychu, aswanqa allin kaqta ruwaspa mana allintaqa vencey.

Wawqe-panintin hinayá huknikichikmanta huknikichikkama kuyanakuychik. Respetanakuspayá wakiqnikichikta imapipas aswan allinpaq hapiychik.

Cheqaptapuni kuyanakuychik, mana allin kaqkunata cheqnispa, allin kaqkunata ruwaychik.

Atisqaykichikman hinayá imatapas ruwaychik, llapa runawan hawkalla kawsanaykichikpaq.

Kuyasqay wawqe-panillaykuna, ama pitapas vengakuychikchu aswanqa Señorpa makinman churaychik payña castigananpaq. Chuya Qellqapim kaynata nin: “Mana allin ruwaqkunataqa kikiypunim vengakusaq, mana allin ruwasqanman hinam pagapusaq”, nispa.

Kallpanchakuychikyá, ama qellaqa kaychikchu, tukuy sonqoykichikwan Señorninchikta serviychik

Yachachinaypaq Dios churaykuwasqanman hinam nimuykichik: Amayá pipas kikillanmantaqa hatun tukuspaqa piensachunchu. Aswanqa allinta yuyaymanaspayá sapakama tanteaychik, imaynam sapakamaman Diospa iñiy qosusqaykichikman hina.

Mana allin ruwasuqnikichiktaqa ama chayna mana allinwanqa kutichikuychikchu. Llapa runakunapa qayllanpiqa allin kaqta ruwaychik.

Huk sonqolla kawsaychik, ama hatunchakuspa aswanqa humillakuspa kawsakuychik, amataq llumpay yachayniyuqpaqpas hapikuychikchu.

Nintaqmi: “Enemigoyki yarqaymanta kaptinqa mikuykachiy, yakunayaptinpas yakuta qoykuy, kaynata ruwaptikiqa enemigoykipa uyanmi penqakuymanta pukayanqa”, nispa.

Qatikachasuqnikichiktaqa bendeciychik, ama ñakaspa bendeciychik. Kusikuqkunawan kusikuychik, waqaqkunawan waqaychik.

Diospi iñiqkunapa imam pisipusqanpi yanapaykuychik, wasikichikpipas samaykachikuqyá kaychik.

Imaynam cuerponchikpi achkallaña partenkuna kachkan, ichaqa manam llapallankuchu hina chaynallata ruwanku. Chaynataqmi ñoqanchikpas achkallaña kachkaspapas Cristoman hukllawakuspanchikqa chullallaña kachkanchik, huk cuerpopa partenkuna kachkaspapas llapanchikmi hukllaña kachkanchik.