ข้อพระคัมภีร์ยอดนิยมจาก Deuteronomio 6

แบ่งปัน

Señorniki Tayta Diostam tukuy sonqoykiwan, tukuy vidaykiwan hinaspa tukuy kallpaykiwan kuyanki.

hinaspam churikikunaman sapa kutilla yachachinki wasipi kaspa, ñanpi purispa, puñuq yaykuspa chaynataq hatarispaykipas.

Kay kamachisqaykunatam sonqoykipi waqaychanki

Israel, uyariy: ¡Señorniki Tayta Diosqa sapallan Diosmi!

Kay kamachikuykunataqa señalta hinam brazoykipi chaynataq urkuykipipas watakunki.

Wasikipa punkunpa pilarninkunapiwan chakankunapim qellqanki.

Señornikichik Tayta Diostam kasukuspa servinkichik, paypa sutillanpitaqmi jurankichikpas.

Ñawpaq taytanchik Abrahamman, Isaacman hinaspa Jacobman prometesqan allpamanmi Señornikichik Tayta Dios pusasunkichik. Chay allpaqa hatun llaqtayuqkunam kachkan; chay llaqtakunataqa manam qamkunachu hatarichirqankichik. Chay allpapiqa, wasikunapas llapa imakunapa huntasqanmi kachkan, chaykunataqa manam qamkunachu huntachirqankichik. Chaypiqa kachkantaqmi pozokunapas, chaykunataqa manam qamkunachu toqorqankichik, kachkantaqmi mana tarpusqaykichik uvaskunawan olivos sachakunapas; chaykunatam saksanaykichikkama mikunkichik. Tayta Diostaqa amam qonqarunkichikchu, paymi Egipto nacionpi esclavo kachkaptinchik hurqomuwarqanchik.

Kaykunam chay kamachikuykuna, estatutokuna chaynataq decretokuna, qamkunaman yachachinaypaq Señornikichik Tayta Diospa kamachiwasqankuna, chaykunatam yachanaykichik allpaman yaykuspa ruwayman churankichik. Chaynata ruwaspam Señornikichik Tayta Diosta respetankichik, hinaspam kawsanaykichik punchawkama kasukunkichik. Qamkunapas, churikichikkunapas chaynataq willkaykichikkunapas kasukuspa unay watakuna kawsakunaykichikpaq.

Tayta Diospa qayllanpiyá allin kaqkunatawan agradonpaq kaqkunata ruwaychik, chaynapi allin kanaykichikpaq hinaspa ñawpaq taytaykichikkunaman Tayta Diospa juraspa qosqan sumaq allpapi yachanaykichikpaq

Qamkunawan kaq Señornikichik Tayta Diosqa paylla kuyanata munaqmi, mana chayqa contraykichikpi piñakuspanmi kay pachamanta pasaypaqta chinkarachisunkichikman.

Muyuriqnikichik nacionkunapi runakunapa yupaychasqanku idolokunataqa amam qatinkichikchu.

Masah lawpi pruebaman churasqaykichikta hinaqa amam yupaychasqaykichik Tayta Diostaqa pruebaman churankichikchu.