ข้อพระคัมภีร์ยอดนิยมจาก Geenesis 11

แบ่งปัน

Pueyaso niquiniuucua naa mariyataa jatiqui cuno pueya poonijionuunutej, tama nojuajaarijia naa noojiajinia niishiriojoree: —¿Taa cua miyacuaani? Nio pueyapueeri queraatia pueya quijia, niquiriyatu rupaa pocuajacajaariuhuaj. Nojoriiri cunora coteerucuaa puereetuuca nojori quiquiora tiojonu. Juhua naajiu quereju tiaca jiuujiajinia nujuariquiano poonijiotiuyajaariuhuaj. Janiyacuajaari niishiyani, cuno pojoriiri maja na cartetunu quiniutianiya nojori poonijiosano, cuaara na tucuatatuurajaatijia. Cuno pueyapueecua pa rosetaarequij. Pocua nojori rupaa cushitioseeni, majaari quenaaja narta pueyano niishiniuria casaa narta pueyano sequeyanoj.

Na nuhuaji, tama nojorijiaarijia naa numootejotooquiaaritij: —Pa tiacara pa tiojore. Pocua na nuhuaji noojiajinia juhua naajiu querejura nujuariquiano poonijiorohuani. Pocua jiyanohua jiyaconajara na tacanirinioj. Jiya cajiniocua tohuariquiimiaari. Na nuhuaji, pocuajinio caneriquiano pueyari naa pa poonijiosano na niquitiushacari jiuujiatecoriquiano. Naacuatej, paa jaara naa miirini, majaari tari pa niyaquejonu quiniutianiya tiquiyocua puetunu jiyajiniajanaa.

Pueyasoori cuno jiya jamatujinia naa cuno pueya rupaa cushitioquiaari. Naacuatej, cuno tiacaari Babelta jiyaniquishaaquiaari. Cuno jiyajiniji Pueyasoori pueya niyacaquiaari puetunu jiyacajiniajanaa. [Sem niquiohuacuajinio caneno quijiaari Teerah. Nioori Teerah niquiohua sesaca: Abram, Nacor, Haraannio. Haraanri niyanuraca quijia cutara. Nojuajaari Lot quijia. Abram saniniuujia, nojuajaari Sarai riquiaari necora. Nacor jiyanishanoori tarajanu Haraan niyatu riquiaari necorajuhuaj. Na sesaari Milca quijia. Abram niquio Sarai saniniuujia, nojuajaari niyajaru quijiaaja. Jiyacaritij saaquiano Teerahri na quijia Caldeo jiyajiniji pacuquiaari juucua Canaan jiyajiniara. Abramri na queta quiaquiaarijuhuaj, neco Saraijaajanio. Teerah jinianu Lotri nojoritia quiriquiaajuhuaj. Nojoriiri nuu cajiniocua tiuquishiiquiaari Haraan jiyanishano tiacajinia. Nojoriiri tii quishii. Saaquiano Teerahri tii shaajeseequiaari.]

Noee nuhuaji, pueyari jiyanohua canequiaari. Jiyacaritij, puetunu mijiria quijiaca pueyajanaari saaja niquiriyatu rupaa pocuajaca quijia.

Jiyacaritij, Pueyasoori cuno pueyapueecua rosequiaari. Pueya tiaca niquishiiri. Tiaca jiuujiajinia juhua naajiu quereju cuno pueya nujuatesano niquishiijaariuhuaj, teyano nojori poonijionuuriquiaacuajani.

Pueyasoori naacua cuno pueya niyacaquiaari puetunu tiquiyocua nio jiyacajiniajanaa. Naa cuno pueyapue cushitiiniuucuatej, majaari tari na tucuatatunu quiquiaari nojori quiquiorano nojori poonijiosano juucua.