ข้อพระคัมภีร์ยอดนิยมจาก Zɛnɛse 17

แบ่งปัน

Tãi Eberaŋ è kɛ̀ la a kóraŋ buu lɔ́ɔlu mɛi náaŋ káo lɔ́ɔlu mɛi náaŋ, Yâwɛɛ è pà bɔ́ ǹyɛɛ mai, “Ńyãa ƃa Ŋ̀wála-wâla kélee Ɣalai. Ŋ́oo mɛni ítua a zãa ŋɛ́i-túɛ. Í kɛ́ a núu sãa. Ísɔŋ fé kɛ̀ yâ.

Ílaa fé ŋɔ́nɔ pâi kɛ̂i a Eberaŋ. Kɛ́lɛ ílaa a pâi kɛ̂i a Eberaɣɛ̃ɛ. Kpɛ́ni fêi, ŋa íkɛ a lɔii-ŋuŋ támaa ǹâŋ.

“Ŋákpanaŋ-wooi a pâi kɛ̂i kwa yá kúloai. A pâi máŋ kɛ̂i kúloai kwa ísuui nyii pâi lɛ̀ɛi ípôlui da díwɔ suui wɔlɔ-wɔlɔ da wɔlɔ-wɔlɔ. Ŋa pâi kɛ̂i a Íɣâla da ísuui nyii pâi lɛ̀ɛi ípôlui Ŋɔɣâla.

“Ŋákpanaŋ-wooi káa íyêei. Ƃa pâi kɛ̂i a lɔii-ŋuŋ támaa ǹâŋ.

Kɛ́lɛ Ɣâla è mò ma ǹyɛɛi, “Kpaa. Kɛ́lɛ ínɛnîi Seera a pâi lóŋ-surɔ̂ŋ maa sɔlɔ ƃôi. Ǹáa sée a Aise (zu-kulai ƃa a ɣɛ́lɛ). Ŋa pâi ŋákpanaŋ-wooi kɛ̂i ǹyêei, nyii pâi kɛ̂i a wɔlɔ-wɔlɔ kpanaŋ-woo kwa ŋɔsuui nyii pâi lɛ̀ɛi bôlu mai kúloai.

Ŋ̀ɔ̃ya lɔii ŋí íkaa mai, nyii gáa a Keena lɔii kéleei, ŋa pâi dɛ̂ɛi ípɔ, ŋá dɛ́ɛ ísuui pɔ́ nyii pâi lɛ̀ɛi ípôlui. A pâi kɛ̂i a kápɔɔ wɔlɔ-wɔlɔ da wɔlɔ-wɔlɔ. Ǹyaŋ ŋa pâi kɛ̂i a Díɣâla.”

Nya ƃe Eberaɣɛ̃ɛ è ŋuŋ ma pìlaŋ é ɣɛ́lɛ é mó goi-pere, ǹyɛɛi, “Kóraŋ ŋuŋ tɔnɔ (100) kpakolo a pɔ̂ri lóŋ maa sɔlɔ ƃôi? Seera nyii gáa a kóraŋ buu lɔ́ɔlu mɛi náaŋ, a pɔ̂ri lóŋ maa sɔlɔ ƃôi?”

Nya ƃe Ɣâla è mò Eberaɣɛ̃ɛ ma ǹyɛɛi, “A kɛ̀ a ínɛnîi Sârai, ífe ŋɔ́nɔ dòli a Sârai, kɛ́lɛ ǹáa a pâi kɛ̂i a Seera.

Ǹyaŋ nyíŋi a pâi kɛ̂i a gbanaŋ-wooi maa ŋɛi-kɛ-maa nyii gáa kwa yá kúloai.

Kɛ́lɛ ŋa pâi ŋákpanaŋ-woo kɛ̂i Aise yêei, nyii Seera a pâi maa sɔlɔ ƃôi yɛ̂ a góraŋ tí ŋɔtãi kɛ́ɛ ŋíi.”

Surɔ̂ŋ-loo kélee da maa sɔlɔ ƃô kásuui sui fɛ̂ɛ dí zee kpono-mɛi tãi a kɛ̀ la a fólo lɔ́ɔlu mɛi saaƃa, maa sɔlɔ ƃoɔɔ pôlu mà. Kpaa máŋ a kɛ̀ dí ǹyá a sɛŋ-kao ŋɔ̃ya yêei nyii vé kásuui sui, fɛ̂ɛ nɔ́ dízee kpono-mɛi. Zurɔ̂ŋ-looi kélee da maa sɔlɔ ƃô kápɛrɛi mu kpaa máŋ ká ǹyá a sɛŋ-kaoi, fɛ̂ɛ dí dísee kpono-mɛi. Mɛni ma ŋákpanaŋ-wooi a pâi kɛ̂i káyêei a wɔlɔ-wɔlɔ da wɔlɔ-wɔlɔ kpanaŋ-woo.