ข้อพระคัมภีร์ยอดนิยมจาก Nm 20

แบ่งปัน

Palta ax Jehová, 'ix yaln 'a Moisés yet' 'a Aarón 'ixtic: —Ax tic, ma'in eya'ch wal 'a e c'ojol, ma'in eyij chan̈ 'a yojltac eb' israel tic, yujn̈ej ton wal chi b'i'an, man̈xtoc ax 'oj eyi'ch eb' 'anma tic 'a sat lum lum tzwal wac' 'ayex, xchi.

'Ij 'at a c'ococh, tzaln 'a o'tac Aarón to tzcolwj smolb'tzan eb' 'anma chi et'oc. Wal 'a sat eb' 'anma chi smasnil, tzaln 'a jun q'uen niwquil q'uen 'ayc' ta', to tz'elt a a 'a sat q'ue'en. 'Ixta 'oj 'aj yel-l secnjoc a a chi 'a sat q'ue'en, yic tzyu'n eb' 'anma chi a', yet' pax smasnil scajb'en noc' eb', xchi.

A yic xlajw yaln jun tzo'n̈ cha, 'ix yi'n chan̈ Moisés sc'ab' yet' sc'ococh, 'ix sma'n 'och cha'ejm 'a sat q'uen q'uen cha. Yajn̈j wal cha, 'ix 'elt secnjoc a a cha. 'Ix yu'n eb' 'anma chi a yet' smasnil scajb'en noc' cha.

Xya'n Moisés yet' Aarón syam sb'a eb' 'anma 'a yich q'uen niwquil q'uen cha, 'ix yaln Moisés 'a eb' 'anma chi 'ixtic: —¡'Ab'c tas 'oj wal 'ayx tenmtacx tic! ¿Tom yowlal a 'a sat q'uen niwquil q'uen tic tzquij 'elt a a tic on̈, tzca'n eyuc'? xchi.