ข้อพระคัมภีร์ยอดนิยมจาก 1 R 19

แบ่งปัน

Xlajw yec' jun quixcab' cha, 'ix ya'n cot jun c'ac'; palta man̈ 'ayc 'och Jehová 'a scal jun c'ac' cha. Palta ax yic xlajw ye'cn jun c'ac' cha, 'ix 'och jun 'aw caw sajlti', caw c'u'un.

Xlajw cha, 'ix 'at 'a lum cusltac lu'um, jun c'u 'ix b'ey'ti, ax x'aji, 'ix c'unb'cha'an̈. Yuj cha, 'ix 'em wocn 'a yich jun te te'; ata 'ix snib'j cham sb'a. 'Ix yaln 'ixtic: Colb'l xo wal wil tic Mamin Jehová, tztac' xo wal in chami, ¿tom an yel xo wach'n 'a yib'n̈ eb' in mam wicham? xchi.

'Ix yaln Jehová 'a 'ixtic: 'Eln̈ta, tzach jaw lin̈n 'a wojltac an Jehová in 'a lum jolm witz tic, yujto 'oj wec' 'a tic, xchi. —'Ix ya'n cot jun niwquil 'ic', 'ix laj jat eb' q'uen niwc tenam, palta man̈ 'ayc 'och Jehová 'a scal 'ic' cha. Xya'n cot pax Jehová jun quixcab', palta man̈ 'ayc 'och Jehová 'a scal jun quixcab' cha.

A yic xyab'n Elías, 'ix smacn sat yet' jun spotil, 'ix 'elta, axta xcan lin̈n 'a yol sti q'uen n̈aq'uen cha. At wal cha, 'ix 'och jun 'aw 'a 'a, 'ix yaln 'ixtic: Elías, ¿tas yuj 'aych 'ec' 'a tic? xchi.

Ax yic xc'och ta', 'ix 'och 'a yol jun n̈aq'ue'en, axta x'ec' jun 'ac'wl yu'uj. Ax x'aji, 'ix c'och Jehová 'a 'a, 'ix yaln 'a 'ixtic: Elías ¿tas yuj 'aych 'ec' 'a tic? xchi.

Yajn̈j cha, 'ix q'ue wan Elías cha, 'ix wa'i, xyu'n a a cha. Ax tas 'ix sc'ux cha, 'ix 'och yip yu'uj, chawinc c'u, chawinc 'ac'wl 'ix b'ey'ti yic xc'och 'a lum jolm witz Horeb, atn lum Sinaí 'aj sch'oxjnac sb'a Dios.

'Ix 'ec' c'otn sway 'a yich te te cha. Ax yic waync cha, 'ix c'och jun ángel 'a 'a, 'ix spitzn 'el swayan̈, 'ix yaln 'a 'ixtic: Q'uen̈ wa'an, wa'an̈, xchi 'a 'a.

'Ix c'ochx jun yángel Jehová chi 'a jun 'ejm xo, spitzn pax 'el swayan̈, xyaln 'ixtc 'a 'a: Q'uen̈ wa'an, wa'an̈, ax a 'atxi, yujto caw najtto 'oj a b'ey'ti, xchi.

'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.

Ax xyiln sb'a Elías cha, to a 'a stz'ey 'a sjolmtac, ata 'ayc' jun 'ixm niwquil wal ton̈j b'olb'il 'a stzac'ac' yet' jun xalu a a', yuj cha, 'ix q'ue wa'an, 'ix wa'i xyu'n a a cha, xlajw cha, 'ix wayxi.

Yuj cha, 'ix schecn 'at 'ix Jezabel jun schecb' 'a Elías yic tz'at ya'nc 'ix alxc 'a 'ixtic: A cab' eb' in diosal tz'a'n cot yailal 'a wib'an̈, toto mantzac ach cham wuj yab'n 'icha hora tic q'uic'an, 'icha 'ix otj a miln ewin schecb' in diosal cha, xchi 'ix.

Palta tzwal ab'i' to 'ayt uque mil eb' israel chi 'aycn wu'uj, atn eb' ma'ix 'em xon cumn 'a yojltac Baal, eb' ma'ix tz'ub'n 'elt sti', xchi Dios.

'Ix meltzj Elías 'a jun lugar cha, ax x'aji, 'ix c'och 'a 'aj wan st'ocw lum Eliseo. 'Ay lajchwan̈ mojn no wacx tzt'ocw lum 'a 'a, a 'a no slajub', ata tza'n 'och Eliseo. Yajn̈ej 'ix 'ec' Elías 'a sat, 'ix spotn 'at jun spotl 'a yib'n̈ Eliseo cha.

Ax yic xjapxi, 'ix smiln chawn̈ no wacx cha, stzu'n 'at te te jalb'il q'ue 'a scal sch'ac no wacx cha, axta 'ix sb'ol no chib'j cha, 'ix ya'n wa eb' smunljum cha. Xlajw cha, 'ix 'och tza'n yuj Elías yic tzya'n servil.

Yuj cha, 'ix yactn can Eliseo e no wacx cha, 'ix 'och tza'n yuj Elías, 'ix yaln 'ixtic: —'Ac' in permiso yic tz'at walcn in b'a 'a in mam in nun, tzin tz'ub'n can 'elt sti eb', tzlajw cha, tzin 'at et'oc, xchi. Xta'w Elías 'ixtc 'a 'a: —Tztac' tzach 'ati, palta tza na cot tas 'ix in b'o et'oc, xchi.