ข้อพระคัมภีร์ยอดนิยมจาก 2 Ts 2

แบ่งปัน

Ena'te auajeñetem ta'le 'uo ga'me ami yoqovi'n. Ga'me nolo' cha'li ja novi', qa'a male 'uaeñe 'uo ga'me nalada't jo'ne p'ategue, qom yataqata qonautena joñe'me Dios, qama'le di'yo'quena ñe'me jiyaĝaua jo'ne etaĝaloĝoic, jo'ne qoyamaĝa'ña qomle ga'me napa'lpi 'lachaqa'.

Qalaĝaja da'me qo'mi nach'e eta't janemaĝam da'me qadamaic joñe'me Dios jouaĝat da'me ami. Dios yataqata ami noqopitalo nataq'aen nach'eñe da'me ami yiyaĝanalo ca'li, qaedi ja oviyaue joga'me nachoĝodec jo'ne na'ta. Ami yiyaĝanalo ca'li en ami nayelo joñe'me Nepaqal, qaedi male ami qoye'n lalemaĝaje'te joñe'me, nataq'aen da'me auacoñiyeguet da'me 'naqatac jo'ne 'yaĝatetac da'me yataqatelegue.

Jenjo' jiyaĝaua jo'ne ja no'en, naqaena jo'ne yataqata nautena joñe'me Dios, chayovida'a eetapega deuodaĝanec yema joga'me loĝot joñe'me Dios. Nataq'aen nejaliaĝatoue qomle jena'me jenjo' tamenaĝaiqui jo'ne 'lemec joñe'me Dios, male naqaeñe eetapega nach'eñe ñe'me Dios.

Ñe'me Dios jo'ne Qadet'a yataqata qo'mi noqopitalo chayovida'a da'me qo'mi yanema joda'me qat'añaĝac nataq'aen da'me qadeuataqataĝanaĝac jo'ne chiyoqo'ot da'me lichoĝodenataĝanaĝac joñe'me, nataq'aen joñe'me Qadec'alaĝaiqui Jesucristo, ñachoĝodenoqoto joñaa'me qaedi e'n jaqachiguilo naa'me adai'lidi' da'me adamaiqui, nataq'aen qaedi ami yanema da'me at'añaĝaqui, qaedi nach'e eta't a'uaĝachetac jena'me jenjo' 'noota nataq'aen da'me yataqata a'vichi na'me.

Chane'eja joñe'me Dios yataqata yaje'tema da'me cha'li nejaliaĝatoue joga'me noqovinaĝanaĝac, chayovida'a da'me yataqata qo'yamaqaten da'me 'lonatac joñe'me qovinaĝanaĝaic

Jenjo' qovinaĝanaĝaic male di'yoq da'me yataqata Satanás lecochaĝaua, male yataqata 'uo ga'me lañoqotaĝanaĝac, nataq'aen uo'oe gaa'me e'n di'yo't jo'ne 'nanaqa choqogaa'me ja qoyauanalo jo'ne noqovinaĝanaĝaco. T'onataĝana yema gaa'me letaĝaloĝoco qaedi yoqovi'n jena'me jiyaĝadipi jo'ne uetedaue da'me lejomaĝa'j, nach'egaua jo'ne yataqata ja 'yamaqate'n da'me eja, ja yacoteguet ca'li jena'me jenjo' 'naqataĝanaĝac jo'ne chiyoqo'ot joñe'me Jesucristo 'me nec'alaĝa.

Qa'a da'me 'netaĝaloĝoc jo'ne ja di'yoq ca'li, male t'onataĝatac, qalaĝaja ch'e yeuate'ta da'me qonaqat ñe'me jo'ne 'nelaĝatetañe.