ข้อพระคัมภีร์ยอดนิยมจาก 2 Co 4

แบ่งปัน

Qa'a qo'mi ja jenaĝa diyachitapiyelo naa'me qadai'li qa'a jouaĝat ga'me 'uo jo'ne ualegue da'me qat'oyaĝac nayi, qa'a ja cop'a qom qaya. Dite da'me qanedotela't jouaĝat ga'me di'yoĝom da'me qat'oyaĝac qomle da'me daja' piyem. Nayi ja jayatenaq ga'me 'noyaĝac qomle; da'me eja jayatenaq queda'me ja yitaĝa 'naidena'a qomle.

Qo'che' ja qadoual. Mate mane'e ga'me qadapat ena'am ta'le nemetapiñi, qalaĝaja ñe'me qadepaqal nach'e eta't nichique'tague da'me nadalaĝac. 'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.

Qo'che' mate mane'e qayoĝode' gaa'me laqalaico jo'ne jaĝauelo, qalaĝaja ja qadoual. Uo'oe gaa'me mach'e jachetataqatapalo, qalaĝaja ja japalaĝataqa'ta da'me qat'emaqata. Qo'mi yachoĝode'tape ga'me jiyaĝadipi, qalaĝaja Dios ja qo'mi 'te yegue'm. Qo'mi yejaĝadiñe, qalaĝaja ja qo'mi 'te yapalaĝa't.

Ca'li Dios qo'mi yanema da'me onaĝaic 'naqataĝanaĝac, nach'eda neuoyaĝac onaĝaic jo'ne uetaue da'me qat'oyaĝac, jenaqa'am jaga'me taĝaiqui 'me ch'e aleua, qaedi yaloĝon da'me dojo' nañoqotaĝanaĝac jo'ne chiyaqayi ñe'me Dios, qama'le ja naqaqo'mi ta'le mach'e chiyaqayilo queda'me ja qo'mi 'te t'añi'y.

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.