Jalcote janem da'me yamaic ñe'me Dios queda'me qo'mi yapetede'uo da'me lomataĝanaĝac ñe'me Cristo, nataq'aen queda'me qo'mi yanema da'me ja'aqataĝanaqatapema ena'uaque gaa'me ale'u lael da'me 'laqataĝanaĝac qaedi naq'aeta da'me ena'uaque yateto'n ñe'me Cristo. Ja'aĝataqatac da'me onaĝaic 'naqataĝanaĝac ena'am ta'le jelagaĝataĝalegue ena'uaque gaa'me ale'u lael ga'me jama da'me laetayaĝac ena'am ga'me yoĝoqui jo'ne davioĝon. Qa'a naqaqo'mi jenaqa'am ga'me jama da'me laetayaĝac jo'ne nach'e Cristo yanem ñe'me Dios, qama'le yataqata uayoĝonegue da'me laetayaĝac, yovida'yalo jogaa'me joote nec'aledegue nataq'aen jogaa'me maliaĝa uetedaue da'me lejomaĝa'j.