ข้อพระคัมภีร์ยอดนิยมจาก Maluko 6

แบ่งปัน

Baho kwa vija wanhu wengi ng'hani wakala wokwingila umo na kulawa, kakala yowasang'hanila mbaka wopotigwa kupata nyafasi ya kuja ndia, Yesu kawalongela waluko wake, “Chiteni chiinege chiiyeka hanhu haifisile, chipate kuhumula chidogo.”

Yesu kawalongela, “Mlagusi wa Mulungu kotogoligwa kumwenga kose mbali hatogoligwa na wanhu waukae yake na walukolo wake na waja waleligwe hamwe.”

Yesu viyalawile kulawa mui ngalawa kadiona bumbila kulu da wanhu, kawaonela ubazi manake wakala kama bung'hukilalo walibule msusilaji. Kwaivo kasonga kuwafunda mbuli nyingi.

Hatendile miuzonza yoyose uko mbali kawekila makono watamu wadodo tu na kawahonya. Nayo kakanganyigwa ng'hani vija wanhu hawamtogole. Yesu kakala yogenda chijiji chimwe mbaka chimwenga kuno kowafunda.

Yesu kaisola ija migate mitano na waja somba waidi amala kalola kuulanga kwa Mulungu, kamwing'ha hewela Mulungu amala kaibanzula ija migate, kaweng'ha waluko wake wawagolele waja wanhu wose. Na ivija kaweng'ha waluko wake wawagolele waja somba waidi wanhu wose. Wanhu wose waja, na weguta. Waluko wake wakunzanya vihande visigale va migate na somba, wamemeza vigelo kumi na vidi.