ข้อพระคัมภีร์ยอดนิยมจาก Maluko 13

แบ่งปัน

Wanhu wose wowalema kwavija mweye wajalusona wangu, mbali yonda yafunye moyo mbaka hauhelelo kohonyigwa.

Itiganyeni! Mkale meso mpula! kwavija hamvimanya saa ija yonda ivike.

Wahamwamhani na kuwagala mvitala kulamuligwa, seke mgae kwa dakulonga. Longeni tu jojose donda mwing'higwe, kwavija sio mweye mulonga mbali Muhe wa Mulungu.

Ulanga na isi wobita, mbali usenga wangu haukwaga mbee.

Mbali kwa mbuli ya zua dijo na saa habule hata imwe yovimanya, hata watumigwa wa kuulanga kwa Mulungu hebu nie Mwana wa Munhu sivimanya, ila Tata yaiyeka.

Mhahulika mbuli ya bung'hukila, hebu nongelela ya bung'hukila, seke mdumbe. Mbuli izo zokwiza kulawilila tu, mbali uja uhelelo ung'hali.

“Kwaivo itandeni kwavija hamvimanya kobwela lini mweneng'anda, kama ni chigulogulo, hebu chilo chizamile, hebu imitondo lukwili nzogolo yokwika, hebu usimbukilo wa zua. Mkale meso kama yahalawila gafula, seke yeze kuwavika muwasa. Dija diniwalongela mweye, ivija nowalongela wanhu wose ‘Muitande goya!’ ”

Wanhu wa isi imwe woitoa na wanhu wa isi imwenga hebu wanhu wa ufaume umwe woitoa na wanhu wa ufaume umwenga. Kolawila na mtigisiko hanhu hakwe hakwe na nzala kulu. Madununzo gago iyo kama mosi mwa usungu wa kulela.

Mbali kabula uhelelo kufika, tanhu Usenga Unogile uliguligwe kwa wanhu wose.

Manake wanhu wengi wokwiza na kutumila Zina jangu na wolonga, ‘Iyo nie Kilisito,’ nao wowavwizila wanhu wengi.

Mbali mweye muitiganye. Manake wowagala mvitala na wowalibula na mibalati mzing'anda za kuitinganila wayahudi. Ivija molamuligwa haulongozi lwa wakulu na wafaume kwavija mweye mwa wajalusona wangu, ili kuwalongela mbuli zangu.

Manake wolawila wanhu woikema walagusi wa uvwizi na wamwenga woikema nie ‘Kilisito!’ Nao wosan'na vilaguso na uzonza ili kuwazaganya, ihadahika hata waja wasaguligwe waiyeka.

Mbali mmazua gago, kugala kuhamala, “Zua dogeligwa ziza na mwezi haulava bung'hulo jake, nhondo zogwa kulawa kuulanga, na baho vinhu vimwenga vili kuulanga votigisika.’