ข้อพระคัมภีร์ยอดนิยมจาก लूका 13

แบ่งปัน

“साकंड़े द्धार ऊं परवेस करनै री कोसीस करौ, क्यूंकै म्हैं थांनै बताऊं हूं की मांय जावण री कोसीस घणा लोग करैला बल्कि जा नीं पावैला।

तो उठै एक ऐड़ी लुगाई ही, जिणै अठारैह बरस ऊं एक कमजोर करणै वाळी दुस्ट आतमा लागी ही, अर वो कुबड़ी होयगी ही, अर किणी रीति ऊं सीधी नीं हो सकी। यीसु उणनै जद देखी तो उणनै अपणै खनै बुलाई अर कयौ, “हे बेन, थूं अपणी बीमारी ऊं छूट गी।”

ओ कैवतै होयौ, उणरै माथा ऊपर हाथ राख्यौ। अर वो तुरत सीधी ऊभी होयगी। अर वो परमेसर री महिमा करणै लागी।

ध्यांन राखजौ, की उठै जिकौ आखरी है, वे पैला हो जावैला। अर जिकौ पैला है, वे आखरी हो जावैला।”

जद एक बार घर रौ मालिक उठनै द्धार बंद कर दैवै है, तो थै बारै ही ऊभा द्धार खटखटाते केवोला, ‘हे मालिक म्हारै वास्तै द्धार खोल दे,’ बल्कि वो थांनै जबाब दैला, ‘म्हैं कोनीं जांणूं थै कठै ऊं आया हो?’

कोनीं, म्हैं थांनै बताऊं हूं, की जे थै मन नीं फिराओला तो थै सगळा भी व्यौंही मरोला।”

“पण वो थौरे ऊं कैवैला, ‘म्हैं कोनीं जांणूं थै कठै ऊं आया हो? हे कुकरम करणैवाळौ, थै सगळा म्हारै ऊं आगा रैवौ।’

पछै यीसु कयौ, “परमेसर रौ राज कैड़ौ है अर म्हैं उणरी तुलना कीण ऊं करूं? वो राई रै एक दाणे रै ज्यौ है, जिणै किणी मिनख लैयनै अपणी बाड़ी मे बो दियौ। अर वो मोटो होयौ अर एक रूंखड़ै जैड़ौ बणग्यौ। अर आकास रै पंखैरूओ नै उणरी डाळियो माथै आळा बणाया।”