ข้อพระคัมภีร์ยอดนิยมจาก यूहन्‍ना 6

แบ่งปัน

यीसु उणौनै कयौ, “जीवन री रोटी म्हैं हूं। जे म्हारै खनै आवैला वो कदैई भूखो नीं होवैला। अर जे म्हारै माथै विसवास राखण वाळा कदैई तिरसां नीं होवैला।

परमेसर री आतमा तो जीवन दैवै है, सरीर री ताकत ऊं कीं फायदो नीं होवै। म्हैं थांनै जिकौ बातां केई है, वे आत्मिक जीवन दैवै है।

थै नासवान खाणै रै वास्तै मेनत मती करौ, पण उण खाणा रै वास्तै जे अनत जीवन तांई रैवै है, जिणै म्हैं मिनख रौ बेटौ थांनै दूंला, क्यूंकै पिता परमेसर म्हारै माथै मोहर लगा दी है।”

क्यूंकै म्हारै पिता परमेसर री इछा आ है, की जिकौ कोई बेटे नै देखे अर उण माथै विसवास करै, उणनै अनत जीवन मिळैला, अर आखरी दिन म्हैं उणौ नै पाछा जीवता करूंला।”

यीसु उणानै जबाब दियौ, “परमेसर री इछा आ है, की थै उण माथै विसवास करौ जिणनै वो भेज्यौ है।”

पिता परमेसर जिणनै म्हनै सूंप दियौ है, वे सगळा म्हारै खनै आवैला, अर जो म्हारै खनै आवैला, म्हैं उणनै कदैई नीं निकाळूंला।

समौन पतरस यीसु नै जबाब दियौ, “हे परभु, म्हैं कीण खनै जाओ? अनत जीवन री बातां तो थांरै इज खनै है।

म्हैं वा इज जीवन री रोटी हूं जिकौ सरग ऊं उतरी है। जिकौ ई इण रोटी मांय ऊं खावेला वो हमेसां जीवतौ रैवैला, अर जिकौ रोटी म्हैं जगत रै जीवन रै लियै दूंला, वो म्हारौ सरीर है।”

कोई म्हारै खनै नीं आ सकै जैड़ी तांई पिता, जिणै म्हनै भेज्यौ है, उणनै खींच नीं लावै, अर म्हैं उणनै आखरी दिन पाछौ जीवतौ कर दूंला।

क्यूंकै परमेसर री रोटी वोहीज है जिकौ सरग ऊं उतरनै संसार नै जीवन दैवै है।”

जीवन री रोटी म्हैं हूं।

तद यीसु रोटियां ली, अर परमेसर रौ धन्यवाद करनै बैठणवाळौ नै जिती चावता परोसनै वास्तै दे दी। अर इण रीत ऊं मछलिया ई वे चावता उणौनै परोस दी। जद वे जीमनै धाप गिया तो यीसु आपरै चेलौ नै कयौ, “बचयोड़ी रोटी भेळी कर दो, ताकी कई खराब नीं हो।”

जद वे धीरै-धीरै तीन-स्यार मील रै लगभग निकळिया, तो उणौ यीसु नै झील ऊपर चालतो, अर नाव रै नैड़ौ आवतौ देखियौ, अर डर गिया। पण यीसु उणौनै कयौ, “म्हैं इज हूं, डरौ मती।”