ข้อพระคัมภีร์ยอดนิยมจาก यूहन्‍ना 19

แบ่งปัน

यीसु खाटे अंगूर रस नै चाख नै कयौ, “सगळौ पूरौ व्‍हियौ,” अर तद माथो नीचो कर नै प्रांण छोड़ दियौ।

इणरै पछै यीसु ओ समझ ग्यौ के अबै सैंग कांम पूरौ व्‍हैगौ है, इण वास्तै की पवितर सास्तर में जिकौ कयौ वो पूरौ होवै, कयौ, “म्हैं तिरसां हूं।”

जद यीसु आपरी मां, अर उण चेले नै जिकौ लाडलौ कैलातो उठै ऊभा देख्यां, तो वे आपरी मां नै कयौ, “हे माताजी, देख, औ थारौ बेटौ है।” तो उणै चेले नै कयौ, “आ थारी मां है।” अर उणी वेळा ऊं वो चेलौ उणनै आपरै घरै लेन गियौ।

पण जद वे यीसु रै खनै आय नै देख्यौ के वो तो पैला ऊं मर गिया है, तो वांरी टांगा नीं भांगी। तो एक सिपाई उणरी बगल में भालो ठोकियो अर उण में ऊं तुरत लोई अर पांणी बारै आयौ।

ऐ बातां इण वास्तै होई की पवितर सास्तर में जिकौ कयौ वो पूरौ होवै, “उणरी कोई हडी भांगी नीं जावैला।” वळै एक जगा माथै ओ लिख्योड़ौ हो, “जिणै उणौ नै बिंधियों है, वे उणरी तरफ देखेला।”

तद रोमी सैनिक यीसु नै लेन गिया अर वो आपरौ क्रूस उपाड़नै उण जगा तांई ग्यौ, जिकौ खोपड़ी री जगा कैवै है अर इबरानी मांय “गुलगुता” कैवै है।

सिपाई कांटो रौ एक मुगट गूंथनै उणरै माथा ऊपर राख्यौ, अर उणनै राजा जैड़ा बैंजनी गाभा पैराया।