ข้อพระคัมภีร์ยอดนิยมจาก प्रेरितों रा कांम 9

แบ่งปัน

पण परभु उणनै कयौ, “थूं चालयौ जा। क्यूंकै वो तो दूजी जातियो अर उणरै राजाओ अर इजरालियो रै सांमै म्हारौ नाम परगट करणै रै वास्तै चुणयोड़ौ आदमी है।

अर वो जमीन माथै नीचे पड़ियौ, अर ओ सबद सुण्यौ, “हे साऊल, हे साऊल, थूं म्हनै क्यूं सतावै है?” साऊल पूछयौ, “हे परभु, थूं कुण है?” उणै कयौ, “म्हैं यीसु हूं, जिणनै थूं सतावै है।

तद हनन्याह उठनै उण घर में ग्यौ, अर उण माथै आपरौ हाथ राखनै कयौ, “हे भाई साऊल, परभु, मतलब यीसु, जिकौ उण मारग में, जिण ऊं थूं आयौ थनै देठाळौ दियौ हो, उणीज म्हनै भेज्यौ है की थूं पाछौ देखण लागै अर पवितर आतमा ऊं भरपूर हो जावै।” अर तुरत उणरी आंख्यां ऊं छिलके ज्यूं निकळयौ अर वो देखण लागौ, अर उठनै बतिस्मो लियौ।