ข้อพระคัมภีร์ยอดนิยมจาก Impakan Sturka 2

แบ่งปัน

Bara witin ai kupia krawan Ebraham, Aisak bara Jekob aikuki lâ daukan lâka ba dukiara. Bamna Gâd kaikan Israel luhpia nani nahki pât saura wahwi ba alba lâka mununhtara, bara witin baha nani dukiara lukan.

Mani nani lui ba tilara Idsip kingka ba pruan. Sakuna Israel luhpia nani lika ban alba lâka munhtara pât saura wahwi kan. Witin nani ini ai mâmna lulki makabi kan ba Gâd walan.

Naika kan tukta ba aitani tara takan ba ra, witin ba king fero luhpia mairin ra yaban. Nanara king fero luhpia mita tukta ba ai luhpia pali baku daukan. Bara win ai nina ba Moses, kan witin win: —Yang mita witin ba lî wina sakri.

Bara king fero luhpia mairin witin ra win: —Tukta na bris, wamtla ra brih was, bara paki aik. Warkkam mana ba yang mai aibapamna. Bara tukta yaptika bibi ba ai watla ra brih wan, bara pakan.

Tisku baku kan, king fero luhpia mairin ba awala un ra bal iwan aihtabaia. Ai albika mairin nani ba, awala unku wapi tauki kan ba ra, king fero luhpia mairin baskit ba kaikan, klisang nani tilara kan ba. Bara ai albika mairin kum blikan wih brih balan.

Moses ba pat tara pâwan kan ba ra, impaki taki wan ai uplika Hibru nani ba kaikaia. Baha piua ra kaikan, ai uplika nani ba nahki taiban lâka mununhtara wark karna taki ba. Bara sin kaikan, nahki Idsip uplika kum mita ai uplika Hibru kum ra saura pali pruki kan ba. Bamna witin ai tnaya kir sut pain pali ai kaina pliki kaikan, upla kumi sin witin ra kaikras kan. Bara witin Idsip waitnika ba iki, auhya ra salhki biki yukukan.