ข้อพระคัมภีร์ยอดนิยมจาก Mako 13

แบ่งปัน

Muchavengwa navose nokuda kwezita rangu; asi anotsunga kusvikira pakuguma achaponeswa.

Chenjerai, murinde, nokunyengetera; nokuti hamuzivi kuti nguva ichasvika rinhi.

Kana vachienda nemi kunotongwa, vachikuisai kumakurukota, musambofunganya zvamuchataura, asi taurai chamunenge mapiwa nenguva iyo. Nokuti hamusirimi munotaura, asi ndiMweya Mutsvene.

Denga nenyika zvichapfuura, asi mashoko angu haangatongopfuuri.

“Asi kana riri zuva iro nenguva iyo, hakuna anozviziva, kunyangwe vatumwa vokudenga, kunyangwe Mwanakomana, asi Baba.

Kana muchinzwa zvokurwa, nenyaya yokurwa, musavhunduka; izvozvo zvinofanira kumboitika; asi kuguma kuchigere kusvika.

Naizvozvo rindai, nokuti hamuzivi musi muridzi weimba anouya nawo, kana madeko, kana pakati pousiku, kana pakurira kwehuku, kana mangwanani; kuti arege kuuya kamwe–kamwe, akakuwanai muvete. Zvandinokuudzai imi, ndinoudza vose, ndichiti, ‘Rindai!’ ”

Nokuti rudzi ruchamukira rudzi, ushe huchamukira ushe; kudengenyeka kwenyika kuchavapo kune dzimwe nzvimbo; nenzara dzichavapo. Ndiko kutanga kwenhamo.

Vhangeri inofanira kutanga kumboparidzirwa marudzi ose.

Vazhinji vachauya nezita rangu, vachiti, ‘Ndini Kristu, vachitsausa vazhinji.’

“Zvichenjerei imi, nokuti vachakuisai kumakurukota, uye mucharohwa mumasinagoge, muchaiswa pamberi pamadzishe namadzimambo nokuda kwangu, chive chapupu kwavari.

Nokuti vanaKristu venhema vachamuka, navaporofita venhema, vachaita zviratidzo nezvinoshamisa, kuti vatsause vakasanangurwa, kana zvichibvira.

“Asi namazuva iwayo, shure kwokutambudzika ikoko, zuva richasviba, nomwedzi hauchazobwinyi, nenyenyedzi dzichawa kudenga, namasimba ari kudenga achazununguswa.