ข้อพระคัมภีร์ยอดนิยมจาก Лк 13

แบ่งปัน

«Ӓнгӹсӹр капкаш пыраш улы силам пиштен анжыда. Тӓлӓндӓ попем, шукын пыраш цацат, но ак кердеп.

Синагогышты церлӓндӓрӹшӹ шӱлӹш доно луаткӓндӓкш и орланышы ӹдӹрӓмӓш ылын. Тӹдӹ пӱгӹр ылын дӓ тӧр шагал кердде. Тӹдӹм ужмыкы, Иисус Ӹшке докыжы ӱжӹн дӓ келесен: «Ӹдӹрӓмӓш, тӹнь цер гӹцет ытаралтынат».

Вара вӹкӹжӹ кидшӹм пиштен, ӹдӹрӓмӓш тӹнӓмок виӓнен шагалын дӓ Йымым лӹмлештӓрӓш тӹнгӓлӹн.

Тӹнӓм юж шайылнышы анзылны, а юж анзылнышы шайылны лит».

Жеп толеш, пӧрт хоза кӹньӹлеш дӓ амасам питӹрӓ, тӹнӓм тӓ тӱнӹ лидӓ, амасам тӹкедӓ дӓ попедӓ: ”Господь, Господь, мӓлӓннӓ пач!” А Тӹдӹ тӓлӓндӓ келесӓ: ”Тӓ кӱ дӓ кышец ылыда, Мӹнь тӓмдӓм ам пӓлӹ”.

Тӓлӓндӓ келесем: уке! Но сулыкдам простьыктен, Йымы докы ада сӓрнӓл гӹнь, цилӓн тенгеок пӹтедӓ».

А Тӹдӹ келесӓ: ”Тӓлӓндӓ попем: кӱ дӓ кышец ылыда, Мӹнь тӓмдӓм ам пӓлӹ. Худам ӹштӹшӹвлӓ, цилӓн Мӹнь дорцем карангда!”

Иисус келесен: «Йымын Кугижӓншӹ махань? Тӹдӹм Мӹлӓм ма доно тӓнгӓштӓрӓш? Тӹдӹ горчицӹн нӱшмӹжӹ ганьы, тӹдӹм эдем нӓлӹн дӓ ӹшкӹмжӹн кавштавичӹштӹжӹ ӱден, а тӹдӹ кушкын, кого пушӓнгӹ лин, дӓ укш лоштыжы пӹлгомыштышы кеквлӓ ӹлӓш тӹнгӓлӹнӹт».