ข้อพระคัมภีร์ยอดนิยมจาก 1 Кор 15

แบ่งปัน

Тенгежӹ, яратымы шӱмбелвлӓэм, пингӹдӹн, сӓрӓлӓш лидӹмӹн шалгыда. Господь доно ушнен ӹштӹмӹ пӓшӓдӓн такеш агыл лимӹжӹм пӓлен, Тӹдӹн пӓшӓжӹм соок шытырланен ӹштӹдӓ.

Мӓмнӓн Иисус Христос Господьна гач мӓлӓннӓ сӹнгӹмӓшӹм пушы Йымылан тау!

Идӓ алталалт: «Худа тӓнгвлӓ пуры кайышым локтылыт».

Но кӱ ылам, Йымын благодатьшы доно тӹдӹ ылам. Тӹдӹн мӹлӓм анжыктымы благодатьшы такеш лиде: цилӓ Апостол логӹц сек шукы пӓшӓм мӹнь ӹштенӓм – лачокшы, тидӹм мӹнь агыл ӹштенӓм, а Йымын мӹнь сагаэм ылшы благодатьшы ӹштен.

«Колымаш, кышты тӹньӹн шылангет? Ад, кышты тӹньӹн сӹнгӹмӓшет?» Колымашын шылангыжы – сулык, а сулыкын силажы – закон.

Теве тӓлӓндӓ тайным келесем: цилӓнок мӓ ана колы, но трӱк выртышты, остатка пыч пуалтымы годым цилӓн вашталтына. Пыч юк шакта – колышывлӓ ӹлӹжӹт дӓ шӱшӓшлык агыл лит, дӓ мӓ вашталтына.

Колымаш эдем гач толын гӹнь, ӹлӹжмӓшӓт эдем гач лин. Кыце Адам гач цилӓн колат, тенгеок цилӓн Христос гач ӹлӹшӹ лит

Вет ти шӱшӓшлыкшы шӱшӓшлык агылыш вӹдӹлӓлтшӓшлык, ти колышашлыкшы – колыдымашкы.

Цилӓ тышманым ӹшке ял лӹвӓкӹжӹ пиштӹмешкӹ, Тӹдӹлӓн кугижӓлӓнӓш келеш. Сек остаткаэш пӹтӓрӹшӓшлык тышман колымаш ылеш.