ข้อพระคัมภีร์ยอดนิยมจาก Luki 5

แบ่งปัน

Ntiŋ kɔ-i awɔ wulu ki ra waarinŋ wɔ̀ ru, ntiŋ i ǹʼbi Simɔŋ tɛ : « Buŋ ki kpari ta ju ki cuumaŋ ki ru, nʼfa nʼkaashi kiri i áwɔ jɔ kiri bo, á i yɛrinŋ kiri pa. »

Simɔŋ i ntiŋ nupwulu : « Kalimɔɔ, yibɛɛ cii ki bataa ma-i yɛlinŋ ki ra, yibɛɛ finŋ tɔri kila kì, nka a ábɛɛ ji ǹʼbi kɔɔn, míŋ a jɔ ki bo sɛbɛ ábɔɔ wulu ki sun. » Kí jɔ kiri bo-i niŋ ɲaan ki tɛ, kí i yɛrinŋ mwɔɔnna pa, fɔ kɔ́ɔ́ jɔ kiri i gbɛri-ri.

Nka Yesu wuru tu-a, ntiŋ i ta-ri a cinancinŋ jaŋ fan, ntiŋ i ta Kirinŋ nafɛ-ri.

Míŋ na koŋ telimaan kiri dɔri tu kí arɔɔ bijɛ kiri tɔnbo kì, duu bijɛmatɔnŋ kiri, nwɔma kí i ntɔri bi arɔɔ bijɛ kiri ra, kí i na Kirinŋ tɛ. »

Simɔŋ Pyɛɛri niŋ ja-i waarinŋ wɔ̀ ru, ntiŋ i a fɛɛn Yesu kanŋ fɛ, ntiŋ i ǹʼbi : « Ŋuntiŋ, á á ranari míŋ na, sabu míŋ i bijɛmatɔnŋ i. »

Yesu i kí rupwulu : « Koŋ kenemaan kiri maku janmatɔnŋ na kì, nwɔ̀ i kiratɔnŋ kiri i, nini maku i ǹʼna.

Kí na-i so arɔɔ buŋ kiri wu tankpiŋ ki ra waarinŋ wɔ̀ ru, Simɔŋ fa a baara mashi kiri i finŋ bataa tu nmaŋ, kí i ǹʼpa Yesu cɛfan.

Jibi bɛɛ, ŋì i Yesu tu kili bɛɛ ra Galile sɔɔta ki ru, tuutiŋ bɛɛ i ji niŋ mani nu. Niŋ wɔ tuu ki juu wuru kusɛbɛ. Wú Yesu ja-i waarinŋ wɔ̀ ru, wú i ta a kwushiri ntiŋ fɛ, wú i ntiŋ nafɛ tu : « Ŋuntiŋ, a ǹʼdi ábɛɛ tɛ, ábɛɛ ra so míŋ kene-i, nwɔma ka nɔɔ ka i san míŋ na. » Niŋ na, Yesu i a gbɛ bili weŋ ki sun, ntiŋ i ǹʼbi : « Ǹʼdi-i míŋ tɛ, kene. » Mìŋ manaanŋ tenŋ ki ru, tuu ki i san weŋ ki ra.

Yesu a kaan-a, tu weŋ ki fa a kene wulu ki bi koŋ tɛ kì, niŋ fa a fɔn na, ǹʼbɛɛ wuru bo ta-a ntiŋ tɔ ki sun jibi woo jibi. Koŋ mwɔɔnna wuru na-a ntiŋ tɛ, nwɔma arì i ntiŋ wɔ wulu ki rama. Kiratɔnŋ wɔ̀ri wuru konaŋ ki kanfɛ, nini i ǹʼceeli-li, ntiŋ i arì kene.