ข้อพระคัมภีร์ยอดนิยมจาก Matyo 24

แบ่งปัน

Ɓijim tɨ kar dɨbla ɓə kar nɨ bi dɨbla na peer kumkar ɓə duga ɗina. Lɛ wo ne par ər hul kula sɨgra marway mu tɨ tong gɨna, ɓə nina.

A ɓə beel tɨ Jaa Ndinimani tɨ Ndɨla na waan ɗula gɨ bi gun tɨ dunya̰. Gɨna lula sul tɨ mum na tɨ tong ɓə an.»

Gorne yḭ ɓə sal jaa laa la, sal nig laa la gɨna, i ka i ndɔ cḛy lo kəysul mum ne ɓə an, lɛ ne tɨ dunya̰ na mu tɨ tong ɗang lo.

Bi tɨ lɔr ɓudu ɓə ndɔ kay tɨ paa tɨ lɔr jak muna la, woom ɓə o̰ peer muna la, nəgri sul ɓə dig na un tɨ dunya̰ la, ndula ɗəng ɓə tɨba tɨ bi sul la. Gorne mum ne gun ɓə an gɨna, ɓə tɨm kuna pɛw tɨ twila lɔ ɗula.

Ndɨla sul la nəgri sul la ɓə ɗira lɛ ən jaa ɓə ɗira lo bad.»

Kəysul bi dɨbla wo hina na ən ndil, jakaw ɓə ja ɓə: “Yin tɨ Krist ne Ndɨla ɛr!” La a ɓə bi dɨbla tan.

Bi ɓə i jindemni wur la a ɓə i humna la, bi ɓə i koor na un gun la. Na lula sul ɗay, bi dɨbla ɓə a hul kula nɨm. A ɓə peer sul sula la a ɓə peer koor la. Nebi ɓori ɓə hina bi dɨbla tan.

Jesu duga gɨ a: «Yḭ ka i jicina tɨ i ndɔ sul la, wo in ka i tan lo la!

Nejo, yḭ kaw i ti ndog, kəysul yḭ una lula sul ne Yin, Wo Ɓa̰ ən ɓə na hina lo.»

Yḭ kay jicina tɨ i ndɔ sul, kəysul yḭ una ɗa̰y ne i Baali ɓə duga na hina lo.

«Lɛ jaa ne tuna ɗa̰y sul la lula sul gɨna, wo ne una in teni. Malayka tɨ ndɨlasul la yin Wo Ɓa̰ kaw i una lo lɛ, ən Ba ɓudu ngoy jo una.

Kəysul Mesi ɓori la nebi ɓori la, a ɓə o̰ a ɓə mum ne ka ayri kar la, mum ne ɓɔrji dɨbla kar tɨ bi taan, jo a ten ul mu gɨna, a ɓə bi ne Ndɨla ɛr a kaw tan la.

Wo Ɓa̰ na duga hina ɓə tɨm kuna lula sul tɨ nebi Nowe maan. Kəysul toni tɨ ndu lɨma ɗəng kwi, bi twi la bi yḭḭ la, a ko paa la, a naa ɓimi tɨ aa gɨ ɓərgɨ la, marway ɗa̰y ne Nowe wur na tɨ bato ɗəng hul, Wa̰y ɓudu ne us a in teni marway ndu lɨma ɗəng hina so na a gun. Ɗa̰y ne Wo Ɓa̰ ɓə duga hina kaw ɓə tɨm jaa ji ɓudu la.