ข้อพระคัมภีร์ยอดนิยมจาก Make 4

แบ่งปัน

Dopa leaminopa Jisasa sakatatala, poo doko kaena latala, endaki buli pia doko lamaiyoo, “Emba yatu laa! Ema napinya mee saa!” leamopa, poo doko yatu lao, endaki doko emapi mende napyoaka pia. Dokopa baame dokaita lamaiyoo, “Aipuma nyakama paka kaelyami? Aipa petala nyakama Gote tungi napilyamipi?” lea.

Dopa leamopa, disaipolo dupa etete paka kaeyapala nyakama-lapo laloo pyoo, “Endakipa, poopa dolapome apata baanya pii lapyali pilyambino doko, akali dake api laa-kanjemape?” leami.

Dokopa Jisasa baa sipi dokonya maita-kaita sanda setapae mendenya luu paleamopa, disaipolo dupame baa pyale tatala lamaiyoo, “Mana Lenge, naima kumalamane-lamo doko, embame naima nee nakaelyepe?” leami.

Dopa latala baame dokaita lamaiyoo, “Nyakamame pii setamili pyoo Goteme nyakama pii langita. Pii setami endakali dupa baame pii mendatupa apata konda pyoo langita. Dopana, nyakamame pii silyamino dupanya tenge dupa masokondape pyepape.

Dokopa baame lao pituu, “Gotenya kingdom doko akali mendeme yuunya ee wai lyandenge dopale. Baame lyandatala, kuka luu palipa, yongama sakatata pingi. Dokopa ee wai doko tange langa latala andenge. Dopa pilyamopa, aipa petala langa lao andelyape lao baame nakandenge.

Endakali mende kale katenge-tamo doko, nambame pii lelyo dutupa baame sepengena” lea.