ข้อพระคัมภีร์ยอดนิยมจาก मरकुस 10

แบ่งปัน

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर करल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर आदमीमन केर पापमन से छुटकारा लगिन अपन जान देई देमूँ।”

यीशु उमन बटे देइख के कहलक, “आदमीमन से तो इ नी होवेक पराई, मगर परमेश्‍वर से होवेक पराई। काले कि परमेश्‍वर से सोउब कुछ होवेक परायला।”

यीशु उकर से कहलक, “चाइल जा, मोंय तोके ठीक काइर हों काले कि तोंय मोर उपरे बिसवास काइर हिस।” आउर उ तुरते देखेक लगलक, आउर डहर में यीशु केर संगे चलेक लगलक।

एहे लगिन जब परमेश्‍वर उ दुयो के जोइड़ हे, तो केऊ आदमी उमन के जुदा करेक केर कोशिश ना करोक।”

यीशु उके धेयान से देखलक आउर उकर दिल में प्रेम भाइर गेलक। आउर उकर से कहलक, “तोर में एखनोहों एगो गोइठ केर कमी अहे। जा! जे कुछ तोर ठिना अहे, उके बेइच के गरीबमन के देई दे। तब तोके स्वरग में धन मिली। इकर पाछे मोर चेला बाइन जा।”

यीशु उ अंधरा आदमी से पूछलक, “तोंय का चाहाथिस कि मोंय तोर लगिन करमूँ?” उ जबाब देलक, “हे गुरु, मोंय देखेक चाहाथों।”

मगर तोहरेमन के उमन नियर नी होवेक चाही, सेले जे केऊ तोहरेमन में से बाड़ बनेक चाहेला, उ तोहरेमन केर सेवक बनोक।

मोंय तोहरेमन के सच कहाथों कि जे केऊ परमेश्‍वर केर राइज के छउवामन नियर ग्रहण नी करी, उ उकर राइज में कहियो ढूकेक नी पारी।”

मगर इ बेरा दुनिया में ढेइर आदमीमन जेमन खुद के बड़का बुझैना, उमन परमेश्‍वर केर नजइर में छोट होई जबैं। आउर जेमन इ बेरा दुनिया में छोट समझल जायना, उमन परमेश्‍वर केर नजइर में बड़का होई जबैं।”

मगर दुनिया केर शुरु से परमेश्‍वर नर आउर नारी काइर के उमन के बनाय हे। इ लगिन परमेश्‍वर कहलक कि जब एगो मरदाना जनाना से बिहा करेला तो उमन दुयो अपन आयो-आबा से जुदा होई के एके संगे रहोक। अब उमन दुयो एके गो काया नियर होई गेलैं, से लगिन उमन दूई गो आदमी नियर निहीं मगर एगो आदमी नियर रहबैं।