ข้อพระคัมภีร์ยอดนิยมจาก रोमि 3

แบ่งปัน

पोङ्‌भोने सोब्‍बे याप्‌मिचिङा पाप ओचोगुएसुए, हिट्‌नुङ् माङ्‌हाङ्‌ङाना माहिमा टोक्‍मालाम्‍मा लाप्‍माङ् उलिसेसेए॥ टरो माङ्‌हाङ्‌ङा उन्‍ङाना मायादाया आनि आपिडे हिट्‌नुङ् धारमोति आचोगे॥ उन्‍ङा खिरिस्‍ट येसुलाम्‍मा आनि पापङाना साजाएलाम्‍मा छुट्‌कारा आपिडे॥

येसु खिरिस्‍टङि बिस्‍वास काचोक् जुन् याप्‌मि चा माङ्‌हाङ्‌ङा धारमोति याप्‌मि चोगुटु, पोङ्‌भोने उन्‍ङा खोना चा साम्‍डुन्‌चिन्‍गा॥

माङ्‌हाङ्‌ङा खिरिस्‍ट येसु आनि पाप लाउङ्‌सा भोक् लिमा पाङ्‌सुए, हिट्‌नुङ् उन्‌ङि बिस्‍वास काचोक् याप्‌मिचिगा पाप ओहेलिक् वेडुङ् टुगुबिडुएसुचे॥ माङ्‌हाङ्‌ङा ना टोॽवा चोगुङ् उन् धारमोति नुङ् आप्‍पेलाउङ्‌सा पारकाट् चोगुए, पोङ्‌भोने पाइले माङ्‌हाङ् आड्‌डिक् धैइरे चोगे, हिट्‌नुङ् याप्‌मिचिङा ओचोगुना पापङाना साजाए पिडुवाट्‌टुन्‌चिन्॥ ना बेला माङ्‌हाङ्‌ङा उन् नुना नुङ् आनि फेरि आनिमेट्‌टेसे॥ हिट्‌डेउङ् उन्‍ङा माहामालोक् न्‍याए चोगुटु नुङ् आनिमेट्‌टेसे, हिट्‌नुङ् येसुङि बिस्‍वास काचोक्‌चि ओनाभाक्‌ङि माहामागा नुङ् लोडुचिचि॥

पोङ्‌भोने धारमाबिधिङिना रिङ् पालान् काचोक् साक्‍चा माङ्‌हाङ्‌ङा धारमोति ठाहाराँ चोगुन्‌चिन्‍गा॥ बोरु धारमाबिधिङाम्‍टे पाप चोगुएसुम्‍मे नुङ् आनि आनिमेट्‌युक्॥

धारमाछाप्‍लाङि नाड्‌डे छेप्‍टेसे– “धारमोति साक्‍चा वाइना, ठिबाङ् चा वाइना, माङ्‌हाङ् बारेङि बुजा चोक्‍मा कोन्‍ना हिट्‌नि साक्‍चा वाइना, हिट्‌नुङ् माङ्‌हाङ् काकोम्‍बा हिट्‌नि साक्‍चा वाइना॥ सोब्‍बेङा माङ्‌हाङ् ओनाडुएसुए हिट्‌नुङ् माङ्‌हाङ्‌लाउङ्‌सा बेकामे उलिसेसे॥ साक्‍ङा चा ओचेट्‌नुना टोॽवा ओचोगुन्‍गा, ठिबाङ् चा वाइना॥”

नाड्‌डेउङ् धारमाबिधिङिगा रिङ् पालान् चोगुमुङ् माखाक्, टरो खिरिस्‍टङि बिस्‍वास चोगुमुङ् एडोक् माङ्‌हाङ् सोरि धारमोति लिसिटि नुङ् माप्‍मा हिडुम्‍टुम्॥

हिड्‌डे माखाक्, ख्‍वाप्‍पा याप्‌मिचि माङ्‌जो रिङ् ओचेक्‍चा, माङ्‌हाङ् माङ्‌जो चेक्‌निना॥ उन्‍ङाना बारेङि धारमाछाप्‍लाङि नाड्‌डे छेप्‍टेसे, “खान्‍ङा जे आमाट्‌टुचा हिट्‌ना छेम्‍बाना रिङ् नुङ् पारमान् लियुक्, हिट्‌नुङ् जब याप्‌मिचिङा खान् न्‍याए माचोक्‌युक्, खान्‍ङा आमेट्‌टुचिचि॥”