ข้อพระคัมภีร์ยอดนิยมจาก मात्‌ति 21

แบ่งปัน

खानिङा बिस्‍वासलोक् बिन्‌टि आचोगुमुङ् जेसुकै आनाक्‌टि चा खानिङा हिट्‌ना आटोगुम्‍टुम्॥”

येसुङा हिट्‌नागा लोडुचे, “छेम्‍बा आङा खानि लोनाँनि, खानिङा बिस्‍वास आचोगुमुङ् खोट्‌टेप्‍मा चा साङ्‌का आचोक्‌निम्‍गा भोने, वामाखोक्‍पो उभुङ्‌मा लाउङ्‌सा आङा चोगुङ्‌ना गाड्‌डे चोक्‍मा आहिडुम्‍टुम् हिट्‌नुङ् हिटेप्‍मा एडोक् माखाक्, खानिङा ना झोन्‍झोन्‍बा चा ‘नाहिलाम्‍मा आङ्‌साडाउङ् सामुन्‍दराङि ठाया’ आलोडुम्‍टुम् भोने चा हिड्‌डे लियुक्॥

उन्‍ङाना ओटोकानाङि हिट्‌नुङ् ओएङ्‌स्‍वाङि ओलाम्‌टियागा याप्‌मिचि राट्‌सा नाड्‌डे ओमाट्‌टुए, “दाउद पुङ्‌लाङिना हाङ्‌बालाउङ्‌सा होसान्‍ना! टाङ्‌बा उनिङ्‌ङि टायाना माङ्‌हाङ्‌ङा आसिक् पिडुटु॥ सोब्‍बे नुङ् टो टोनालोग्‌ङि युङ्‌ना माङ्‌हाङ्‌लोङ्‌सा होसान्‍ना!”

हिट्‌नुङ् उन्‍ङा हिट्‌नागा लोडुचे, “धारमाछाप्‍लाङि नाड्‌डे छेप्‍टेसे, ‘आपाङ्उम्‍टे बिन्‌टि चोक्‍माना पाङ् लिमा कोन्‌युक्॥’ टरो खानिङा नाम्‍टे डाँकाचिगा लुम्‍भुक् गोलो आचोगुएसुम्‍मे॥”

“सियोन खालाङ्‌गाङि याप्‌मिचिलोङ्‌सा ना रिङ् लोडानुम्‌चिम्, ‘पुयानुम्, खानि हाङ्‌बा खानि सोरि आप्‌युगेट्, उन् मेयोक् लिसाउङ् गाधाङि ठाङाउङ्, ठिक् गाधा उइछाङि ठाङाउङ् आप्‌युगेट्॥’”

येसुङा हिट्‌नागा सिलाप्‍टुचे, “पाक् खानिङा धारमाछाप्‍लाङि छेप्‍बालाक् ना रिङ् पोढाँ आचोक्‌निम्‍गेट्‌निम्‍नै?– ‘लुङ् काछेट्‌बाचिङा ओलेप्‍टुना लिङ्‌गेॽवा डोक् पाङ् ओजाग्‌ङि छेट्‌माना उसुरङिना मुलि लिङ्‌गेॽवा लिसे॥ नाउम्‍टे टाङ्‌बा आप्‍पेङा डोक् चोगुना ए, हिट्‌नुङ् ना आनि नाजारङि आड्‌डिक् डोङ् ठोङ्‌डिना रिङ् ए॥’

“हिट्‌डेउङ् आङा खानि लोनाँनि, माङ्‌हाङ् उमुलुक् हाट्‌ले माङ्‌हाङ्‌ङा खानिलाम्‍मा मानाप्‌टिटि, हिट्‌नुङ् उन्‍ङाना निङ्‌ग्‍वा गाड्‌डे काचोक्‍बा छोङ्‌बा लोङ्‌सा पिडुटु॥