ข้อพระคัมภีร์ยอดนิยมจาก TITUSA 3

แบ่งปัน

Ɓadi wakati uwema wa Mungu Muhuyifu watru na uv̄endza yahe uwanadamu zav̄enuha, arihuyi, tsi amba rifanya zitrendro zamujiv̄ia, ɓadi ha urehema wahe monyewe. Arihuyi ha umuhoseo wa umudzalio muv̄ia, na umuregezeo-muv̄ia uv̄ingwao na iRoho Ndzitwaharifu, ilio amba arienedzayo ha uwengi ha ndzia ya Insa-Kristi, Muhuyifu watru, ile pare rangu rahakishiwa ha urehema wahe, rifanyihe mawarithi, ha itama ya uhayati mukamilifu wa daima.

Nahanidza watru wadzituĩse ha matawalizi na ha wendza yezi, wastehi, wake tayari ya kula shitrendro ndjema, wasutefuwe mutru atsokao yotsi, wake watrulivu, wasuke waguguru, ɓadi wake wema mbeli za piya wanadamu.

Ɓadi ɓauha mashindrano ya shiujinga, zinaswaɓa, ngumani, mifarikishano hari mwa iSharia, mana izo kazina mana wala faida.

Mutru atsongao mifarikishano, murudi mara ya handra, na ya v̄ili, ɓaanda ya v̄av̄o dziɓause na waye.