ข้อพระคัมภีร์ยอดนิยมจาก MUV̄ENULIO 19

แบ่งปัน

Narijiv̄iwe na uka hari mwa furaha, amwesa rimutukuze, mana iharusi ya uMwana Ɓariɓari ija, na umushe-harusi wahe adzitayarisha.

Ana hari mwa inguo yahe na hari mwa lipaja lahe dzina laangihwa: «Mufalume wa mafalume na Raɓi* wa maraɓi.»

Ɓas, tsiono ipev̄o iɓuha, na tsio, v̄uv̄enuha farasi ndjeu. Mutru aipandra uhiriwa Muaminifu na Kweli. Waye unamua na uwana kondro ha haki.

Matso yahe ya mauri jenge la moro, na shitswani hahe v̄wa kemba ha uwengi. Ana dzina laangihwa lilio amba kav̄u ata mutru alijuao neka tsi ɗe waye. Tsena apindri nguo yaloa ha damu, na dzina lahe Urongozi wa Mungu.

Hanyoni hahe v̄ulawa upanga utsindzao, ile ha uwo areme zinishani. Atsoziv̄inga zirundriye ha tsimbo ya shuma na utseresa zizaɓiɓu za iɓirika yav̄inga ihadhaɓu ɓole ya Mungu Monyewe Ushindzi.

iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.