ข้อพระคัมภีร์ยอดนิยมจาก MAHEƁRANIYA 12

แบ่งปัน

Ɓasi ha izo wasi wajau, iv̄o razingidziwa na vingu ɓole namuna iyo la mazahidi, naritruwe kula mudzo na lidhambi liriv̄ambanisao ɓure-ɓure tu, amwesa rendre mbio v̄umoja na ustahamilivu hari mwa yamashindrano ralishiwayo. Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

Kweli amba murudio yotsi kauonehana mwandroni amba trongo ya furaha, ɓadi ya huzuni. Ɓadi mbeli-mbeli oho ɗe uv̄ao wao wakoupara mavuna ya amani, ne ɗe uhaki.

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.

Ɓasi namufikiri Uwo alio amba astahamili mukanyusho mauri ɗe uwo walawa ha maãswifu, ile mwasulemewe ha mupulio-ɓari.

Ha izo, iv̄o riparao utawalizi kaugudzusiha, narihimidiye ha umutolea Mungu ĩɓada imujiv̄iao yendza utuĩvu na staha.

Ɗe ha siɓaɓu ya murudio wanyu ɗe mustahamilio; Mungu asumurengani mauri wana. Mana uv̄i ɗe umwana ɓaɓahe kamurudi?

Kweli amba Mungu watru, waye moro ukomesao.

Maɓaɓatru yakorirudi mwana muda ha uɗunga izo wakoona amba ndjema. Ɓadi Unu asurirudi ha faida yatru, ile rirenge fungu hari mwa utwaharifu wahe.

Hari mwa ushindrana yanyu kinyume na dhambi, raha kamwakingia ata mwatra damu.