ข้อพระคัมภีร์ยอดนิยมจาก MAGALATWIYA 5

แบ่งปัน

Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu, utrulivu, na udzizia. Kav̄u Sharia ilio kinyume na trongo mauri ɗe zizo.

Nisurongoa ɓasi: Namwendre ha uv̄ingwa na iRoho, na v̄av̄o kamutsotsimidza tsena mav̄endzeleo ya shiuɓinadamu.

Iv̄o riẽshio ha iRoho, narendre wajau ha iRoho.

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

Na zitrendro za shiuɓinadamu, izo uonehana dhwahiri: uzindzi, utshafi, upeu watupa, uãɓudu masanamwe, utsayi, uãduwi, umani, uwivu, hasera, ushifuɓa, mitsapushiano, mifarikishano, uwivu, ulevi, uv̄iria uɗya, na trongo zangina zilio mufano wa zile. Nisumufahamishani mauri ɗe inamuna madza naifanya: wao wafanyao trongo mauri ɗe zizo, kawatsowarithi Utawalizi wa Mungu.

He wanyu wananyangu, muhiriwa muke hari mwa unafasi. Ɓadi unafasi uwo, usufanyihe amba shisa ya ufanya taɓia ya shiuɓinadamu. Ɗe ha kinyume amba ha uv̄endzana yanyu, namurumishiane wanyu na wanyu.

Mana shiuɓinadamu una ngushauku kinyume na iRoho, na iRoho ina zilio kinyume na ushiuɓinadamu; zisendra kinyume wizo na wizo, ha namuna amba kamusufanya izo mutsahao.

Mana piya iSharia itsimidziha hari mwa urongozi moja, ne ɗe unu: «Utsomuv̄endza munyaho mauri ɗe inamuna udziv̄endzao wawe monyewe.»

Rasudzione, nariziye utukizana na uoneana uwivu.

Ile wasi rikane unafasi, ɗe Kristi arikomboa. Ɓasi v̄av̄o namuhodarishihe, wala musudzilishe mwarudi tsena mwatrika mulandza wa urumwa.