ข้อพระคัมภีร์ยอดนิยมจาก 1 TIMUTAUSU 2

แบ่งปัน

Mana v̄wa Mungu moja tu, tsena muparanisa moja ɓaina ya Mungu na wanadamu, ne ɗe Kristi-Insa, mwanadamu, adziv̄a waye-waye ake shiliv̄o ya ukombofu wa piya. Uwo ɗe ushahidifu watolewa wakati wawo wahetsiwa.

Kaɓula ya kula trongo, nisutsaha v̄uv̄elehwe ha Mungu hadja, mamilio, mirayilio, v̄umoja na himida ya wanadamu piya. Nazifanyiwe ha yamafalume na ha piya wendza ɓandza la yezi, ile riẽshi ha utrulivu na unafasi, ha trisidzo la Mungu v̄umoja na kula staha.

Nisutsaha ɓasi amba hari mwa kula v̄ahanu, watruwaume wafanye mamilio ha uhedza mihono mitwaharifu, ɓila hadhaɓu wala mashindrano. Ɗe namuna iyo wajau amba watruwashe wapindre namuna yastahiki, ha mastaha na usitirifu. Wadzistawidze tsi amba ha ufanya musuko namuna kayastahiki, wala udziɗayidza ha dhahaɓu na lulu, au vao lendza thamani, ɓadi nawadzistawidze ha zitrendro ndjema zistahikio watruwashe wadzihetsio amba watru wahishimuo Mungu.