ข้อพระคัมภีร์ยอดนิยมจาก 1 YUHANI 4

แบ่งปัน

Faza kaika hari mwa uv̄endza, na uv̄endza yakamilishiha utradza ifaza, mana faza uɗungwa na shiv̄ondro; uwo aliona faza, kakamilishiha hari mwa uv̄endza.

Wanyu wana wangu, wanyu wa shi Mungu, tsena mushindri wale, mana Uwo alio moni hanyu, muɓole raha na ule alio moni na ulemengu.

Na wasi risuv̄endza, mana waye ariv̄endze kadimu.

Wav̄endzewa wangu, nariv̄endzane, mana uv̄endza ulawa ha Mungu na yotsi av̄endzao udzalwa shi Mungu, tsena umujua Mungu.

Uwo kasuv̄endza kamuji Mungu, mana Mungu waye mahaɓa.

Na iuv̄endza, iyo tsi amba wasi rimuv̄endze Mungu, ɓadi amba waye ariv̄endze, tsena av̄eleha Mwana wahe ake sadaka liripariao swamaha la madhambi yatru.

Wav̄endzewa wangu, neka amba Mungu ariv̄endze namuna ini, rilazimu wasi wajau riv̄endzane.

Tsini inamuna uv̄endza ya Mungu yav̄enuha hatruju: Mungu av̄eleha Mwana moja-moja wahe ulemenguni, pare rikane uhayati ha waye.

Neka mutru asurongoa amba asumuv̄endza Mungu, ne asuenga munyahe, waye munafiki. Mana uwo kasuv̄endza munyahe ule amuonao, kashindri uv̄endza Mungu alio amba kasumuona.

Uwo akuɓalio amba Insa ɗe uMwana wa Mungu, Mungu uẽshi hari mwa uv̄umoja na waye, na waye hari mwa uv̄umoja na Mungu.

Na wasi rina ãmuri ini yalawa hahe: uwo amuv̄endzao Mungu, nav̄endze munyahe wajau.

Wav̄endzewa wangu, mwasuamini kula roho, ɓadi namutunde ziroho, ile mujuwe neka za shi Mungu, mana v̄uenea ulemenguni wengi wadzifanyao amba wasujudza marongozi ya shi mutrume washukidziwa. Ɗe ha ini ɗe mujuao iRoho ya Mungu: kula roho ikuɓalio amba Insa-Kristi|Insa aja shimwili, iyo ya shi Mungu.

Na kula roho kaisumukuɓali Insa, iyo tsi ya shi Mungu; iyo ya shi Mukanyusha-Kristi mwakia amba asuja, tsena madza alio ulemenguni.