ข้อพระคัมภีร์ยอดนิยมจาก မဿဲ 24

แบ่งปัน

လူဆိုးလူယုတ် များလာရေအတွက်န လူရို့မာ ချစ်ခြင်းမေတ္တာ ကင်းကတ်လိမည်။ ယေကေလည်း အဆုံးတိုင်အောင် တတိုင်းမမြိုင်းနီသူစာ ကယ်တင်ခြင်းကို ရလိမည်။

အရာ ဂေါင်းခင်နိုင်ငံတော်၏ အကြောင်း သတင်းကောင်းစာ ကမ္ဘာတစ်လုံးမာ ပြန့်ကျယ်လိမည် အရာ ဟိသမျ လူမျိုးရို့စာ ထိုသတင်းကောင်းကို ကြားရကတ်လိမည်။ ယင်းပြီးခါရာ ကမ္ဘာကုန်ဆုံးဖို့စာအချိန် ရောက်လာလိမည်။

နင်ရို့စာ စစ်တိုက်စာအသံန စစ်တိုက်စာသတင်းကို ကြားရကတ်လိမည်။ ယေကေလည်း သတိထားကတ်! နင်ရို့ မကြောက်လီကတ်ကေ့၊ အကြောင်းကား အမှန် ထို ဟိသမျ အားကုံး ဖြစ်ပျက်လာဖို့၊ ယေကေလည်း ကမ္ဘာကုန်ဆုံးဖို့စာအချိန် ရောက်ဖို့ မဟုတ်သိ။

လူမျိုးတစ်မျိုးန တစ်မျိုး အရာ တစ်ပြည်န တစ်ပြည် စစ်တိုက်ကတ်လိမည်။ အရပ်အရပ်မာ ငတ်မွတ်ခေါင်းပါးခြင်း ကျရောက်လိမည် အရာ ငယင်ကြီးလုတ်လိမည်။ ယေကေလည်း ထိုသားမွီးဖွားစာ ဝေဒနာတိစာ စရေသိ။

ဂေါင်းခင်န ကမ္ဘာကုန်ဆုံးကေလည်းသောက် ငါ့စကားတိ ထာဝရပတ်လုံး ဟိလိမည်။

ငါ နင်ရို့ကို ဒေ စကားတိကို ပြောစာအကြောင်းကား လူအများကြီး ငါ့နာမည်န လာရို့၊ ‘ငါ ခရစ်တော် ဖြစ်တေ’ ဟို့ ပြောပြီးကေ လူအများကြီးကို လိမ်ကတ်လိမည်။

ယင်းအချိန်ခါ လူရို့စာ နင်ရို့ကို ညှဉ်းဆဲဖို့အတွက်န အသီသတ်ဖို့အတွက် ဖမ်းပီးကတ်လိမည်။ အရာ နင်ရို့ ငါ့တပည့် ဖြစ်ကတ်တေအတွက်န ဟိသမျ လူမျိုးရို့စာ နင်ရို့ကို မုန်းကတ်လိမည်။ ယင်းအချိန်ခါ လူအများကြီး ကိုယ်ရို့မာ ကျုံခြင်းတရားကို စွန့်ကတ်လိမည်၊ တစ်ယောက်ကို တစ်ယောက် မုန်းကတ်လိမည် အရာ သစ္စာဖေါက်ကတ်လိမည်။ အယောင်ဆောင် ဘုရားသတင်းပို့သူ အများကြီး ရောက်လာကတ်လိမည် အရာ သူရို့စာ လူအများကြီးကို လိမ်ကတ်လိမည်။

ယေရှုစာ သူရို့ကို အဖြေပီးလီရေ၊ “နင်ရို့ကို တစ်ယောက်လည်း လိမ်ဖို့ မရလတ်အောင် နင်ရို့ သတိထားကတ်။

ယင်းအတွက်န နင်ရို့လည်း အဆင်သင့်နီကတ်၊ အကြောင်းကား မနုသသားတော်စာ နင်ရို့ မစဉ်းစားဘိုင်းန နီစာအချိန်မာ ကြွလာလိမည်။

ယင်းအတွက်န နင်ရို့ သတိနနီကတ်၊ အကြောင်းကား နင်ရို့မာ အသျှင် ဇာနိဇာရက်မာ ကြွလာဖို့လည်းဆိုစာကို နင်ရို့ မသိကတ်။

“ထိုအချိန်န ထိုနိရက်ကို တစ်ယောက်လည်း မသိကတ် အရာ သားတော်န ဂေါင်းခင်နတ်သားရို့လည်း မသိကတ်၊ ယေကေလည်း အဖ တစ်ပါးတည်းရာ သိရေ။

အကြောင်းကား အယောင်ဆောင် ခရစ်တော်န အယောင်ဆောင် ဘုရားသတင်းပို့သူ အများကြီး ရောက်လာကတ်လိမည်။ အရာ သူရို့စာ ဖြစ်နိုင်ရေဆိုကေ ထာဝရဘုရား၏ ရွီးကောက်ခြင်းကို ခံရသူရို့ကိုလည်း လိမ်ဖို့ ရလတ်အောင်အတွက် အကြီးအကျယ် အံ့ဩဖွယ်အလုပ်န နိမိတ်လက္ခဏာအလုပ်တိကို လုပ်ရို့ ပြကတ်လိမည်။

နောဧလက်ထက်ခါ ဖြစ်ပျက်လီစာပိုင် မနုသသားတော် ကြွလာရေအချိန်မာလည်း ယင်းပိုင်တထန် ဖြစ်လိမည်။ ရီမင်းမကြီးခင်နိရက်အယင်က နောဧရို့ အိမ်သား သင်္ဘောမာ မတက်သကြား လူရို့စာ စားသောက်ကတ်လီရေ၊ အိမ်ထောင်ပြုကတ်လီရေ အရာ သားသမီးရို့ကို အိမ်ထောင်ချကတ်လီရေ။ သူရို့ အားကုံးသူ ရီမင်းကြီးရာမာ မပါသကြား တစ်ခုလည်း မသိရကတ်လီ။ မနုသသားတော် ကြွလာရေအချိန်မာလည်း ယင်းပိုင်တထန် ဖြစ်ပျက်လိမည်။