ข้อพระคัมภีร์ยอดนิยมจาก Rimljanenđe 4

แบ่งปัน

Ov na sumnjinđa ano e Devlesoro obećanje, nego zoralilo ani vera hem dinđa slava e Devlese. Inele pherdeste uverime da o Devel šaj te ćerel okova so obećinđa.

Sar soi pisime ano Sveto lil: “Ćerđum tut te ove dad bute narodengoro” – anglo Devel, ano kova poverujinđa, kova vazdela e mulen hem pali kasiri naredba oto ništa ovela nešto.

O Isus inele dindo te merel zako amare prestupija, a uštino taro mule zako amaro opravdanje.

O Avraam verujinđa hem nadinđa pe hem tegani kad na inele sose te nadini pe. Ađahar ulo dad bute narodengoro, adalese so o Sveto lil ađahar phenela: “Edobor baro ka ovel to potomstvo.”

Adalese o obećanje terđola upri vera, te šaj o manuša prihvatinen le sar daro oti e Devlesiri milost, hem te šaj vredini zako sa o potomstvo, na samo zako okola kola ićerena o Zakoni, nego hem zako okola kolen isi vera sar e Avraamesiri. Ovi sarijenđe amenđe dad.

“Bahtalei okola kaserei prestupija oprostime hem o grehija učharde. Bahtaloi o manuš kase o Gospod na uračunini o greh.”

Adalese so o Sveto lil phenela: “O Avraam poverujinđa e Devlese hem adava ine lese uračunime ani pravednost.”