ข้อพระคัมภีร์ยอดนิยมจาก လ︀ုက︀ႃ 22

แบ่งปัน

“ပ︀ူဝ်က︀ဝ်ႈꩴ︀း ၵ︀ိင︀်းတ︀ူဝ်ꩡ︀ဝ်ႛ ဢ︀လ︀ၢင︀်းယ︀င︀်းက︀ီး က︀ွက︀်ဝေတ︀ꩫ︀ႃꩫ︀ႆ︀ႇ က︀ဝ်ႈၵ︀ႃႛပ︀ီꩭႂ်ႛꩫ︀ႆ︀ႛက︀ိꩫ︀်ႈတ︀ီၵ︀ႃႛမ︀ႃးတ︀ႃႉ။ ꩫ︀ႆ︀ႇꩫ︀က︀ေႃႇ ဢ︀လ︀ၢင︀်းက︀ဝ်ႈၵ︀ႃႛမ︀ဝ်ꩡ︀ႂ်ႈꩬ︀ီ ꩭႂ်ႛပ︀ီꩫ︀်ႈဢ︀လ︀ၢင︀်း ၵ︀ိင︀်းတ︀ူဝ်ꩡ︀ဝ်ႛတ︀ီၵ︀ႃႛက︀တ︀ႃႉ” ꩫ︀ꩬ︀ီယ︀ွꩫ︀်းꩬ︀ူးဢ︀ူ။

င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းမ︀ႂ်း တ︀ၢင︀်းယ︀ုမ︀်ယ︀မ︀်ႈမ︀ဝ်လ︀ူႇꩫ︀ႆ︀ႇ က︀ဝ်ႈယ︀ွꩫ︀်းꩬ︀ူးယ︀ဝ်ႇ။ မ︀ိူဝ်ႈမ︀ႂ်း က︀ဝ်ႈမ︀ႆ︀ႛတ︀ၢဝ်ႈပ︀ွက︀်ႉမ︀ႃးꩫ︀ႆ︀ႇ ပ︀ီႈꩫ︀ွင︀်ႇမ︀ႂ်းၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛတ︀ႃႉ” ꩫ︀ဝꩫ︀်ႇ။

င︀ႆ︀းꩬ︀ီ မ︀ꩫ︀်းꩡ︀ဝ်ႛ ၵ︀ဝ်ႛမ︀ုꩫ︀်းဢ︀ဝ်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛယ︀ဝ်ႇက︀ီး မ︀ိꩫ︀်ႛꩬ︀ီၵ︀ဝ်မ︀ႆ︀ႛပ︀ꩫ︀်ႈꩭႂ်ႛဢ︀ူ။ ယ︀ဝ်ႇက︀ီး “ၵ︀ဝ်ႛမ︀ုꩫ︀်းꩫ︀ႆ︀ႇယ︀ႃႇ တ︀ူဝ်ႈက︀ဝ်ႈဢ︀ꩫ︀်ႈꩡ︀ႃႇꩬ︀ူ တ︀ီတ︀ၢင︀်ၵ︀ႅက︀်ꩫ︀ႆ︀ႇꩫ︀မ︀်။ ꩭႂ်ႛပ︀ူဝ်းက︀ဝ်ႈမ︀ႆ︀ႛ ဢ︀ွက︀်ꩡ︀ႂ်ႈꩫ︀ႆ︀ႇက︀ိꩫ︀်ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။

ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ဝ်ႛပ︀ၢင︀်ႛၵ︀မ︀်ႈက︀ိꩫ︀်ႈယ︀ဝ်ႇက︀ီး မ︀ꩫ︀်းꩡ︀ဝ်ႛ က︀ွက︀်ဝၢႆ︀မ︀က︀်ꩡ︀ပ︀ႅတ︀်ႉဢ︀မ︀ႂ်းဢ︀ဝ်ႈꩬ︀ီ “ဢ︀ꩫ︀်ႈꩫ︀ႆ︀ႇယ︀ႃႇ ꩫ︀ိူတ︀်ႉက︀ဝ်ႈ ဢ︀ꩫ︀်ႈꩡ︀ႃႇꩬ︀ူလ︀ူဝ်၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၵ︀ၢမ︀်းၵ︀တ︀်ႉမ︀ႂ်မ︀ႆ︀ႛ တ︀ွက︀်ꩡ︀ုမ︀်ႛꩫ︀ႆ︀ႇꩫ︀မ︀်။

ꩡ︀ဝ်ႛယ︀ေꩬ︀ု ယ︀ၢက︀်ႉꩡ︀ႂ်ႈယ︀ၢက︀်ႉၵ︀ူဝ်းꩬ︀ီ ဢ︀ေႈၵ︀ႅꩫ︀်းယ︀ွꩫ︀်းꩬ︀ူးက︀ီး ꩭိူဝ်ꩫ︀ႆ︀ႇၵ︀ဝ်တ︀မ︀ိူင︀်း ꩫ︀င︀်ꩫ︀ိူတ︀်ႉꩫ︀က︀ꩫ︀်ႈ ယ︀ွႆ︀ႇတ︀ူက︀်မ︀ႃးက︀ꩫ︀်ႈဢ︀ူ။

ꩬ︀ူယ︀ႃႇ င︀ႆ︀းပ︀ီꩭီတ︀်။ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈၵ︀ႅꩫ︀်းယ︀ႂ်ꩫ︀ႆ︀ႇ ဝႃႈပ︀ီꩫ︀်ႈꩫ︀င︀်ဢ︀ꩫ︀်ႈၵ︀ႅꩫ︀်းဢ︀ွꩫ︀်ꩫ︀က︀ꩫ︀်ႈꩫ︀မ︀်။ ꩭူဝ်က︀ေꩫ︀ꩫ︀ႆ︀ႇက︀ေႃႇ ဝႃႈပ︀ီꩫ︀်ႈꩫ︀င︀်ၸ︀ူႛꩡ︀ႂ်ႇꩫ︀က︀ꩫ︀်ႈꩫ︀မ︀်။

ꩡ︀ဝ်ႛယ︀ေꩬ︀ုယ︀ႃႇ “ပ︀ေတ︀ရ︀ုꩴ︀း က︀ဝ်ႈဝႃႈက︀ွတ︀်။ မ︀ိူဝ်ႈꩫ︀ႆ︀ႇပ︀ၢင︀်ႛၵ︀မ︀်ႈတ︀ေႇတ︀ေႇ ꩡ︀ူဝ်ႈက︀ႃႈက︀ႆ︀မ︀ဝ်ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛꩵ︀ႈတ︀ွင︀်းꩫ︀ꩬ︀ီ ꩬ︀ၢမ︀်ပ︀ၢꩫ︀်ႈတ︀ၢင︀်ႈꩰတ︀ီပ︀ႆ︀ၵ︀ွတ︀်ꩫ︀မ︀်” ꩫ︀ဝꩫ︀်ႇ။