ข้อพระคัมภีร์ยอดนิยมจาก ယ︀ေႃးꩭၢꩫ︀် 8

แบ่งปัน

ဝႆ︀ၢးဢ︀မ︀ႂ်း ꩡ︀ဝ်ႛယ︀ေꩬ︀ုယ︀ႃႇ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်မ︀ႆ︀ႛ “က︀ဝ်ႈယ︀ႃႇ ဢ︀ꩫ︀်ႈလ︀ႅင︀်းမ︀ိူင︀်းက︀ၢင︀်ႈꩫ︀မ︀်။ က︀ူဝ်ႇဢ︀ꩫ︀်ႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀ႆ︀ႇ ဢ︀ꩫ︀်ႈလ︀ႅင︀်းဢ︀ꩫ︀်ႈꩡ︀ိုဝ်ႇလ︀ွင︀်ႈပ︀ျႃးတ︀ၢင︀်းပ︀ိူꩫ︀်ႈꩫ︀ႆ︀ႛꩬ︀ီ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈꩫ︀ပ︀်ꩬ︀ိင︀်မ︀ႆ︀ႛ ꩵ︀ႈက︀ႃ” ꩫ︀ဝꩫ︀်ႇ။

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ꩬ︀ူတ︀ွင︀်းꩬ︀ိုဝ်ႈꩰမ︀ႃးꩬ︀ီ ꩬ︀မ︀်မ︀ႃတ︀ြႃးလ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ ꩬ︀ူမ︀ႆ︀ႛဢ︀ဝ်ႈလ︀ွတ︀်ႉꩭႂ်ႛဢ︀ူ” ꩫ︀ဝꩫ︀်ႇ။

ꩡ︀ဝ်ႛယ︀ေꩬ︀ုယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ “ꩬ︀ူၵ︀ၢမ︀်းက︀ဝ်ႈထွမ︀်ꩡ︀ွမ︀်းက︀ီး တ︀ပ︀ေးက︀ဝ်ႈꩡ︀ႅတ︀်ႉဢ︀ူ။

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛလ︀ုက︀်ႉꩫ︀ႆ︀ႇ ပ︀ွႆ︀ꩭႂ်ႛက︀ီး ꩬ︀ူလ︀ွတ︀်ႉတ︀ေႇတ︀ေႇဢ︀ူ။

ၵ︀ဝ်ထၢမ︀်ဢ︀ူမ︀ဝ်ꩬ︀ဝ်းက︀ီး မ︀ꩫ︀်းꩡ︀ဝ်ႛꩭႅꩫ︀်ꩫ︀ူႈꩬ︀ီ “လ︀ုက︀်ႉꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇဢ︀ွက︀်ꩬ︀ီ ꩭိꩫ︀်လ︀ုက︀်ႉလ︀ိူင︀်ႈက︀ူဝ်ꩬ︀ိင︀်းလ︀ႃး” ꩫ︀ဝꩫ︀်ႇ။

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈꩬ︀ိုဝ်ႈꩰဝႃႈက︀ွတ︀်။ က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ီꩫ︀်ႈၵ︀ႃႛဢ︀ပ︀ႅတ︀်ႉꩫ︀က︀ꩫ︀်ႈ ဢ︀ပ︀ႅတ︀်ႉမ︀ဝ်ꩭီတ︀်က︀ီး ဢ︀ူမ︀ဝ်ꩫ︀ႆ︀ႛဢ︀ဝ်ႈမ︀ဝ်လ︀ိဝ်ႈꩫ︀မ︀်။

ꩡ︀ဝ်ႛယ︀ေꩬ︀ုꩭႅꩫ︀်ꩫ︀ူႈပ︀ွက︀်ႉꩬ︀ီ ၸ︀ူႛယ︀ိင︀်းဢ︀မ︀ႂ်းမ︀ႆ︀ႛ “ꩡ︀ွႆ︀ႇꩴ︀း ၵ︀ဝ်က︀ႃဢ︀မ︀ႆ︀ႚမ︀ူတ︀်က︀ႃꩫ︀ႆ︀။ မ︀ႂ်းမ︀ႆ︀ႛဢ︀ပ︀ႅတ︀်ႉယ︀င︀်းဢ︀ူꩫ︀ꩬ︀ီ ၸ︀ႂ်က︀ေႃႇ မ︀ဝ်ပ︀ိꩫ︀်ႇက︀ျႃး” ꩫ︀ဝꩫ︀်ႇ။ ၸ︀ူႛယ︀ိင︀်းဢ︀မ︀ႂ်းယ︀ႃႇ “ၸ︀ႂ်က︀ေႃႇ ꩵ︀ႈတ︀ၢင︀်ဢ︀ပ︀ႅတ︀်ႉတ︀ီၵ︀ႃႛ” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈက︀ေႃႇမ︀ႂ်းမ︀ႆ︀ႛꩵ︀ႈတ︀ၢင︀်ဢ︀ပ︀ႅတ︀်ႉ။ မ︀ႂ်းက︀ႃꩫ︀ႆ︀ႛယ︀ဝ်ႇ။ လ︀ႃႉꩫ︀ႆ︀ႇ ဢ︀ပ︀ႅတ︀်ႉပ︀ီꩭီတ︀်ယ︀ဝ်ႇ” ꩫ︀ဝꩫ︀်ႇ။