ข้อพระคัมภีร์ยอดนิยมจาก মার্ক 6

แบ่งปัน

য়াং আখিংমা লুঃউম্যারোচা য়াংদেমা লাঃগেতি-সাওয়াগেতি কিজু তিবিরোচা তুখুউলি চাঃআফু আলিঃ মাঃরাগেলি। য়াংচা কিজু যীশু য়াংসুউরোগু প্রলিরি, “নাংরো তিদিং-চিঃছিঃ আঃরা তেরেমা লাঃরো ঙানা তছং নাঃগে।”

য়াংখা যীশু য়াংসুউরোগু প্রলিইরি, “কোঃ রুওয়া, কোঃ মুয়ুছুয়িই-দাঃনা অর কোঃ ইং মুহুকপ্রি আখ্রা আলুং আঃরামা রিসিইরোচা ম্যাকন্হা রাঃরি।”

যীশু লংগা ছাংরো লুঃউম্যাগো ম্রাংলিরি। য়াং লুঃউরো কিজু যীশু কংগং সাঃনাফুয়ি রকরি আক্রংগা য়াংসুউরো ফিইচা ক্যংসা মিহি সাংফছুইঞ্যংব্যা। যীশু য়াংসুউরোগু যে যে আক্রংলিলাগো সুয়েংসাং পিইলিরি।

য়াংনক যীশু লৈগায়ক রঃগাসি আপমা আলাক তাংরো, য়াংসুউরোগু কেইংমাজিলিইরি, য়িগিলি য়াংদেমা অর তুখুউলি এংঅফুয়ি অলুক লুকফু মনৈংলিব্যা। লুঃউরো যীশুগো মুক্যুংচাগো ম্রাংরো, যীশু কংগং এংঅলিরি। য়াংনক যীশু রুওয়াদৈং রুওয়াদৈং লাঃরো তাঃরা হঃপ্রালিরি।

যীশুচা থুঃউ ঙাস্যাক ভংমুংনা ঙাঃ ন্হৈকংগো য়ুউরো, গংখাং ফুংদুঃ ক্রিরো থাওরা ফুরাগো কিজুতাংলিরি, অর লুঃউরোগু পিইফু কিজু ভংমুংগো ফিঃরো তিবিরো আলাকমা পিইলিরি। ভংমুংঞ্যং যীশু আলুংসুউগো ঙাঃগুলি ফুঃপিইলৈতি। য়াংসুউরো আলুংসুউ ওয়েং তিব্রি চাঃগেলিইরি। য়াংনক তিবিরোচা ম্রেচা ভংমুংনা ঙাঃ আপিঃগো ককয়ুউরো তিছিঃ ন্হৈখারাংমা ফ্রিগেলিইরি।