ข้อพระคัมภีร์ยอดนิยมจาก ROMA 10

แบ่งปัน

Khristu wa Asang ngad: ra"- ga: nao lhang: yu mung: Mao"So wa yao: re shid: rumae" daui: to" li" nhao: ra"- ga" rure nao lam" ngad: re wa nao wa khyad' yu: ru qhug' li" nae".

Pe"mung:ga"re ngonhaung" wa ngonhaung" lam khug: myid khyo" yang jo: ra"- ga: Mao"So: yang sun" yu byid' ru qhug' mung:- ngonhaung" nhad' dao: thoe: yang lhang: yu: ru khyo" yang khyad' yu: ru qhug' yu: ra".

Airumung: lam khug: ru wa mungdao: re the' gyo" yu: ra" khyo" yang ngad mung:- aimung dao: wa Khristu ra" khyo re kho" kyo" ra" khyo" yang the' gyo" yu: ra".

Jham: Mugsug' mae- yao: re lam" ra" yaug wa qam: gyug: qam: shan qhug' nae" mangad:- ga: ta" to" ra". Ceru wa yaug khao: ngo" re ta" ru ngad: ra"- pe"mung:ga"re Yuda byu qe we' Taung bug byu qe: gyo: mae pe" jho" shai" ru majo, ngad: ra". Mao"So wa alhab' mo; dao mae" dakhyo: za: Asang ngad mung: yao: re mho' yao: ra" mo, alhab' re magan: mathao" ra" shaman" jeju byid' ra". Jham: Mugsug' mae- Asang re bao" thaug' mho' yao: ra" mo, yaug khao: ngo" wa khyad' yu: ru qhug' li" genae"- ga: ta" to" ra".

Mungdao: kho" kyo: nae" mo, re manhao: ke' re wa- ai: mung: dao: re khoru: qo" kho" kyo: nae" i? Jham: Mugsug' mae- lau dao: gai vin: ra" lagyo: qe joe" li" ru wa khoqhi" sho' gai: ra" i? ga: ta" to" ra".

Ngadqere: yao: bam malam" ko" ngad: re wa- yao: bam wa Asang re khoru: qo" mho' yao genae" i? Amung: yao: bam ai: mungdao: re mathe' gyo: gere wa- yao: bam khoru: lam" genae" i? Ailao"- ai: mungdao: re makho" kyo: re- yao: bam khoru: qo" the' gyo: genae" i?

Pe"mung:ga"re- lam" ra" mo, yaug khao: ngo" wa jo: ra"- ga:- Mao"So: yang sun" yu: ru qhug' yu genae" qhid' mae" Khristu wa ai: kham" to" ra" tarha" re thao" lo" nhao: ava".