ข้อพระคัมภีร์ยอดนิยมจาก MARKU 9

แบ่งปัน

Yesu wa- Nao qo" boe" ngad: re wa ein: pe"mung: ta" i? Lam khug: myid bo: ra" yaug: qhid' mae" ja: khao: ngo" qo" gai: boe" ra"- ga: ta" ra".

Ailao" jao" ai: zoshao: yao: pho" wa- Ngo lam khug: ra"- nga" malam" ra" myid re bao" thaug' yu la,- ga: hug' ta" ra".

Yesu wa yham khug khyo dam: vao lo" mung: yao: za: na: au: yao" mho"zo: qe wa yao: re- Ngonhaung" ai: yui re pe"mung: maqo" khe' thug' pye' geli" laug i? ga: myid' ako". Yesu wa yao: bam re- Akyu" mho' ruyang mangad: re wa gatau pe" yang re: ceja" yui re maqo" khe' thug' pye'- ga: ta" ra".

Xo: wa gai: ra"- ngadqere: ai: xo: shao: byaug lao"- ai: xo: re dam: ngae sho' naonhaung" khoru: qo" kad' yu genae" i? Naonhaung" khug mae jho" zam" khug: ra" xo: bo: jo, mung:- dayaug we' dayaug ngaui pyo: yaug yo za: zam" khug: na ge,- ga: ta" ra".

Zoshao qe mae" ceru" ra" zoshao dayaug re nga" mang khyo" lham: khae: yu: ra" yaug khag' ngadqere: ngore lham: khae: yu: ra". Amung: ngore lham: khae: yu: ra" yaug khag' ngadqere: ngore za: lham: khae: yu: ru mangad:- ngore nhao: ke' ra" yaug rere: lham: khae: yu: ra"- ga: ta" ra".

Ngo naonhaung" re dang za: ta" ru wa- Nga" byu qe ngad: ako" ga" ra" khyo" yang naonhaung" re qid dakeim byid: jhaug' yaug khag' ngadqere: gaigai: yao: aphug' jhaung qhu" qo" khae: yu nae"- ga: ta" ra".

Amung: ngore lam khug: na: ra" ce: zoshao qemae" dayaug yaug re lam khug: myid zai" phyo' ra" yaug khag' ngadqere: yao" lang zang: mae laug lhang gye, qi: taui" lhao: mung: qid tham: khug khyo pye' zaui: ke' ru wa yao" qhid' mae" je: gai: ra".

Ni" myo,jid' yang ni" lam khug: myid re zai" phyo' ngad: re wa- ai: myo,jid' re thad' pye' wa,- myo,jid' shid' shad' geim" we' khonhae" re: myi: mashid masham- yao: bam re zo" ra" laug daung: khonhae" re mashid: ra" myiqid: tham: khyo gyo" lo" nae" ru tho' mae- myo,jid' dashad' za: de, mung: Mao"So: mung"dan: khyo vao ye: nae" ru wa ni" qhid' mae" je: gai: ra".