Ailao" Mao"So wa yab mo, mae- Ngad va" nao wa aung khug nhag' lam: gyang: gyang: za: kad' va" rure ngo ba: ra". Airumung: ngore qobo shad' lhoe" nae" rumae" nao re tam" to: mung: yao: re matin: nhao: ru ngad: ga: tau" ra". Ngadqere: ana" wa, ai: myiqe: re yao" yham sang pho" lo, khyo dam: tug' byid: wa,- yao: wa lapa dayaug ngad mung: nao mashid nae" qhid' mae" yao: wa nao re akyu" mho' byid' li" nae". Ngadqere: nao yao: re madam: tug' byid: re wa nao wa shid zai ngad: nao we' ni" byu qe alhab' shid: li" genae" ein: rure ngo ta" peim: byid: ra"- ga: ta" ra".