ข้อพระคัมภีร์ยอดนิยมจาก 1 KORINTHU 1

แบ่งปัน

Pha,jhi" ba: ra" mo, qho' phau: genae" qhid' mae" Mao"So wa ce: mug: myid byu qeyang pe" lajheim: mabo ga:- jho: ra" ja: re thaug khyin: yu: ra". Amung: yao: wa qam: so' bo mo, qho' phau: genae" qhid' mae" mug: myid byu qeyang qam: nang" ra" ga: myid: jho: ra" ja: re khyin: yu: ra".

Pe"mung:ga"re- pyao: zang dao mae Khristu shid kham" ra" khyo we' sin" ra" mungdao: wa- ai: jeim" lo" mo; qhid' mae" pe" lajheim: mabo ngadqere: khyad' yu: ru qhug' ra" ngonhaung" qhid' mae" wa Mao"So: qam: so' ngad: ra".

Pe"mung:ga"re Mao"So: adu: adae: ngad nhohab: ru wa xao su byu qe: pha,jhi" tho' je: ra"- Mao"So: qam: nang" ru wa xao su byu qe: qam: o: tho' je: qam: bo: ra".

Yao: Zo: ngad: ra" ngonhaung" Asang Yesu Khristu we' zam" khug: na nae" qhid' mae" naonhaung" re khai: yu: ra" yaug Mao"So wa lam ga" ra" yaug ngad: ra" wo".

Nga" mao:nhaung: qe we"- naonhaung" phaung mae phung: jho" kho' ru majo, genae" qhid' mae" naonhaung" jhau: ra" dao: thoe jho" vang" genae" rure ngonhaung" Asang Yesu Khristu nho: kheim: so' khyo" yang naonhaung" alhab' mo; re ngo mho' ke' ra". Danhag' lam:- myid: qang: ru dalam: za: we' mung: bin sho' dadang: dalam: boe" na ge,

Airumung:- pha,jhi" ba: ra" yaug khai: mae i? Ba jhao mo, khai: mae i? Ce: mug: myid dao mae" dao: jhau mung ban" qe khai: mae i? Mao"So wa ce: mug: myid: nho: pha,jhi" adu: adae: ngad: rure qhu" byid' ava".