ข้อพระคัมภีร์ยอดนิยมจาก Matiw 19

แบ่งปัน

Jesu naah mwopp bhi satt mwopp le, “Kihpee zhepp gurum diy bhi bii mihhse p'ee mak sh'in mou, dhangg kihpee Naan diy, bhi baah mee'bii a w'u maa'shin nyi mou.”

T'o,, baah mwopp a vel dyi mou; mwopp dheeh a shoopshik wu'khimhi. Pee'mhinyi, bhi bii w'u Naan bh'al, bhi tapp laa'gurum diy bh'ak mou.”

Bhi Jesu nang phi mwopp le, “Kan wu khi cham t'ang pwoo khi Naan w'u satt le, sh'ee bhi Gu-le'bii ‘l'e mwopp a wu'mis kihh wu'mat’ maah? Yakhal satt le, ‘A nyi a bii w'u l'e bhi gurum p'ee yet pukhun mwopp kihh nhikhin bhi bhal'kaah niy a kihh mat niy, bhi mwopp weett vel p'ee dheeh a shoopshik wu'khimhi,’ seh maah?

Dhangg Jesu satt zheppkamm keeniy ni mwopp le, “Wu yet tihh zhepp wu'dyeen mwopp ja kihpee na diy. Tapp wu d'aam mwopp mou, p'ee dhenglong khi Naan a p'ee mwooh kaa zhepp wu'dyeen se.”

Dhangg dhess khi pakk gurum w'u gurum mwopp kihh tihghin dhen kihkyeen mwasseh, bhi mwopp mhizeh ni p'ee kwed pwenn kihbwoon; dhangg pakk gurum w'u gurum mwopp kihh bheez le nw'aa a wu'baan, bhi a mwopp mhizeh ni p'ee p'ar dhen a mwooh kihkyeen.”

Yakhal koohweeh w'u yet luh keeniy, kooh emnhikhin mwopp, kooh wu'raapp niy mwopp, kooh pukhun, kooh nhikhin, kooh zhepp niy, kooh bhokk niy mwopp p'ee a'n, bhi nyi p'ee lapp bii w'u mett kihhsheh yit dhaa kihmeh, yakhal nyi p'ee kad shapp mhi seen w'u harr ngaa-ngaa.

Jesu lapp nyi satt le, “Mihh ghi kihh t'ang kwed a w'u khi-khibhid, bhi ghi dum ghi seett kihh long keegha, ghi sh'in zhukhum mhipyaah mwopp dyishig, bhi gha p'ee kwed kihh long kih dhengNaan, bhi ghi ji dhak ghi langdang na.”

Bhi Jesu nang phi nyi le, “A mihyeh l'e bhi gha phi nang orr bii wu'rett pwoo na. Ai Gwoohrett a kihmeh kyekk. Mihh ghi kihh t'ang dhel dhighin seen w'u harr ngaa-ngaa, bhi ghi kyeer W'aar mhi Musa.”

Ih kihh satt dyi wunn, nyi p'ee fyeell mett tihh brihngg'tukhus dhel f'ung mulli, kad mihh'pee a gulong kihh dhel dhighin dhenglong khi Naan.”

Pee'mhinyi bhi ih kihh satt wunn, koohweeh mihh tu'dyik mat niy, kad baah a kaah dhakk-gaa mou, harr waa lapp m'ee mat wu'zeh dyi, bhi gwoh ni phi sh'in a gaa.”

Bhi Jesu satt zheppkamm keeniy mwopp le, “Kai, ih satt a zeenn wunn, gulong p'ee sh'in a sh'in dhangg kihh mak dhel dhighin dhenglong khi Naan!