ข้อพระคัมภีร์ยอดนิยมจาก Ɓalɔma 4

แบ่งปัน

Ɛyɔ i꞉nye tʉkʉ nʉ baya ekoo moni ngika Asʉɓɨɨ a꞉mʉpanaka, a꞉mbikinye mɨtʉma ɓepini kʉyangiso moni ngikʉnanɨ. Ɨkyɛmɨngana, baya ngiangɔ yi꞉nye nayɔ tʉkʉ kunzo angu nʉ ambuɓio tʉkʉ kubibiso Asʉɓɨɨ. Ɛyɔ i꞉nye tʉkʉ nʉ baya ɓɔ moni ngika Asʉɓɨɨ a꞉panaka, ka꞊kyananakɨa tʉkʉ kyananakɨa jʉ ɛyɔ Asʉɓɨɨ anʉ angu kʉ uɓomu.

Kʉndʉ Mubio kʉ Asʉɓɨɨ kaasigo ɓɔ: « Ɛmɛ ma꞉nʉnapɨa kuɓio kuku wʉ mababa kʉ ɓombi ɓaja. » Abalama a tidoo ʉndɛsʉ apɛɛ ʉ Asʉɓɨɨ ngia ɛyɔ a꞉mʉbaya. Asʉɓɨɨ ngia aajʉkaniso ɓombi ngiɓa ɓadʉka dʉkaa, nʉ iya aaikiso ɨkyɛmɛ ngia yambikinye pɛɛ ɓɔ yiɓio ɓioo.

Asʉɓɨɨ a꞉nzo Yeso ɓɔ uwo aka ekoo ʉ ɓʉɓɨɓɨ ngiɓʉndɛsʉ, ɨkyɛmɨngana ambʉmʉjʉkaniso akʉ ingyo aka ekoo ngia ɓɔ kuɓio ngbingbii apɛɛ angɔ.

Abalama i꞉nye nʉ baya, ambʉnapɨa itungwio ɓɔ ana moni ngika a꞉kwananakɔmʉ‑ɔɔ ɓata kʉnapɨa itungwio, iikwa a꞉ka tiga‑ɔɔ kuku wʉ mababa kʉ ɓombi ɓaja, kʉkpatanakɨa nʉ moni ngika Asʉɓɨɨ a꞉musigio jɛnɛ ɓɔ: « Iiya ɓɔ ɓanɔnɔ ngiɓʉsɔɔ ɓaɓio ɓaja. »

Kʉ ɓwanɨ, moni ngika ɓaakʉpanaka kaakpatanakɨa tʉkʉ nʉ baya, aka ekoo ngia ɓɔ yiɓio tʉkʉ ɨkyɛmɛ ngia yɨɨngwanakɨa nʉ ɨjɨɔ ngia yɨ Asʉɓɨɨ. Nʉ ɓata ɨjɨɔ ngiinanɨ yɨkwanana kuɓio kʉ ngbanga akʉ ɓanɔnɔ ɓʉ Abalama kʉ ɓuɓomu, chʉkɔmʉ tʉkʉ aka ekoo ʉ iɓa ɓaakpata mapanʉ, ɨkyɛmɨngana aka ekoo ʉ ɓombi ngiɓa ɓaabaya kʉndʉ iya Abalama a꞉baya, ɛyɔ ngia a kuku ʉndɛsʉ kʉ ɓuɓomu.

« Ya ɨgyagya nʉ ɓombi ngiɓa Asʉɓɨɨ a꞉ɓʉpɨa ɓʉɓɨɓɨ ngiɓʉndaɓʉ, nʉ ungwiso ɓʉɓɨɓɨ ngiɓʉndaɓʉ. Ya ɨgyagya nʉ mombi ngia Makʉʉɓɨɨ ambʉkɔmʉ nayɔ kʉchɨka ɓɔ a mombi ʉ ɓʉɓɨɓɨ. »

Ya kingono ɓɔ Mubio kʉ Asʉɓɨɨ kakusigo ɓɔ: « Asʉɓɨɨ a꞉chɨka Abalama ɓɔ a mombi ɔɔ ngbingbii jʉ i꞉nye nʉ baya akʉ Asʉɓɨɨ. »