ข้อพระคัมภีร์ยอดนิยมจาก Ɓalɔma 14

แบ่งปัน

Jʉ Ɓʉngama ɓʉ Asʉɓɨɨ ɓambʉkɔmʉ tʉkʉ ekoo ʉ moni kʉ idyo nʉ mwakanaka, ɨkyɛmɨngana ɓa kʉ kuɓio nʉ ɓungbingbii, nʉ majɨɔ, nʉ ɨgyagya ngia 'Ʉtʉma wɔɔ Tu waanzo. Mombi ngia akʉkyananakɨa Klisito amati ʉ lɨngbaa lʉ moni ngilʉnanɨ, iiya akʉkataa Asʉɓɨɨ, nʉ ɓombi ɓaamʉbaya bayaa.

Jʉ ndʉ kaɓio kʉkʉʉ, ya tʉkʉ akʉ ʉpanʉ wʉ Makʉʉɓɨɨ, kʉndʉ kuwo ya kʉ akʉ ʉpanʉ wʉ Makʉʉɓɨɨ. Kʉ ɓwanɨ, ndʉ kaɓio kʉkʉʉ gʉ ɓɔ kuwoo, isu ka tʉkʉ lɨkyɛmɛ lʉ Makʉʉɓɨɨ.

Kʉ ɓwanɨ, kʉhateni moni ngika kaanziso majɨɔ, nʉ lɨngbaa lʉ moni ngila lakwanana nisu kʉsalɨa kunzono angu amati ʉ baya.

Kusieni tɔ kʉtɨnana mɨkɔmbɔ ati ʉndɛsʉ. Moni ngika nʉkwanana kukwaisio ka ɓɔ, mombi ɔɔnapiikiokɔmʉ mangɛ lɨgbaa lʉ moni ikanzi ngila lakwanana nayɔ kʉgbʉsaniso, gʉ ɓɔ nayɔ kukwisiso amati ʉ ɓʉɓɨɓɨ.

Jʉ ɓa꞉tɨndakɨa amati ʉ Mubio kʉ Asʉɓɨɨ ɓɔ: « Makʉʉɓɨɨ akusigo ɓɔ: Jʉ ɛmɛ ma kʉkʉʉ, ɓombi kʉ ɓuɓomu ɓa꞊gbʉkʉmɨa muwuu apɛɛ asɛmɛ. Nʉ ɓombi kʉ ɓuɓomu ɓa꞊nabaya ɓɔ ma Asʉɓɨɨ. » Kʉ ɓwanɨ, mombi kʉ nangana nangana ati ʉndɛsʉ a꞊ngaka moni ngika kangɔ makʉɔngɔ apɛɛ ʉ Asʉɓɨɨ.

Sɨeni mombi ngia anʉ baya yɛɛ bata bata kuɓio kʉ ati ʉndɛnʉ, chʉkɔmʉ nambuɓio kuɗuɗono nayɔ ekoo ʉ itungwio ngiangɔ.

Ɔwɛ wa‑zʉ anɨ iya waakyɨa tʉkʉ kʉtɨna 'ʉkɔmbɔ wʉ mombi ʉ kuu nga wʉ mangɛ? Ndʉ aɓio ɓɔ aamaa iɗo akʉ kuu gʉ ɓɔ aakwa, iinanɨ yɨkanga tʉkʉ Makʉangɔ. Akwanana tʉkʉ kʉmaa jʉ tʉkʉ Makʉʉɓɨɨ anʉ angu nayɔ kumaiso.