ข้อพระคัมภีร์ยอดนิยมจาก Matteiu 28

แบ่งปัน

Adunque andate, struite tutte le nazioni; battizandule in nome di lu Babbu, e di lu Figliolu, e di lu Spiritu santu: Imparanduli ad usservà tutte quelle cose, ch’ eiu v’ agghiu cumandatu: ed eiu saragghiu cun voi in ogni tempu, sinu a la cunsumazione di li seculi.

E Ghiesù essendusi avvicinatu li parlò, dicendu: Mi è statu datu ogni putere in lu celu e in la terra.

Ma l’ agnulu rispundendu a le donne disse: Voi nun timete nulla: perchè sò, che sete ghiunte a circà a Ghiesù crucifissu: Ellu nun è qui: è risuscitatu, come ellu ha dettu. Vinite, e videte lu locu, induva era postu lu Signore.

Allora Ghiesù li disse: Nun timete nulla. Andate, dite a li me’ fratelli, ch’ elli vadinu in Galilea, e culà mi vidirannu.

Ed elli essendusi riuniti cun l’ anziani, tensinu cunsigliu, e dedinu una forte somma di danaru a li suldati, Dicendu: Dite, che li so’ discipuli so’ ghiunti la notte, e si lu so’ rubbatu, quandu durmiate. E se lu presidente vene a sapellu, lu cunvinciaremu, ed in ogni modu vi mittaremu a lu cupertu. Ed elli avendu ricivutu lu danaru, fecinu quantu l’ era statu insignatu. E sta voce sparsa fra l’ Ebrei ci s’ è mantinuta finu a li ghiorni d’ oghi.